Ποντιακός Στίχος

Προβολή Τραγουδιού

Η άνοιξη

Ατέν εγώ θα παίρω/Η άνοιξηΑτέν εγώ θα παίρω/Η άνοιξη

Στιχουργοί: Στάθης Νικολαΐδης

Συνθέτες: Αθανάσιος Τσολερίδης

Καλλιτέχνες: Γιάννης Τσανάκαλης, Στάθης Νικολαΐδης


Έρθεν Απρίλτς κι ο Μάης,
κι ολόγ̆ερα πρασινίζ’νε
Πλουμιστά τα τσ̌ιτσ̌εκόπα
ντ’ έμορφα που σκουντουλίζ’νε

Τα νιάτα χ̌αίρουνταν,
τρέχ’νε αδά κι ακεί
Έρχουν τα χελιδόνια
και κελαηδούν τ’ αηδόνια

Όλα χαμογελούνε
και -ν- όλα τραγωδούνε
Χαμογελούν την άνοιξην,
την άνοιξην, την άνοιξην
υμνούν και τραγωδούνε
Πεταλουδόπα πλουμιστά
αδά κι ακεί πετούνε

Τα νιάτα χ̌αίρουνταν,
τρέχ’νε αδά κι ακεί
Έρχουν τα χελιδόνια
και κελαηδούν τ’ αηδόνια

Άνοιξη είσαι μάϊσσα,
πρασινοφορεμέντσα
Τοι σεβνταλείς¹ και όλτς μαγ̆εύ’ς,
νε σ̌κύλ’ αφορισμέντσα!

Τα νιάτα χ̌αίρουνταν,
τρέχ’νε αδά κι ακεί
Έρχουν τα χελιδόνια
και κελαηδούν τ’ αηδόνια
Γλωσσάρι
ΚείμενοΕπεξήγησηΕτυμ. ΡίζαΠροέλευση
αδάεδώ
ακείεκεί
Απρίλτςο μήνας Απρίλιος
αφορισμέντσααφορισμένη, αναθεματισμένη
έμορφαόμορφα
έρθενήρθε
έρχουνέρχονται
όλτςόλους
πεταλουδόπαπεταλουδίτσες
πρασινίζ’νεπρασινίζουν
σκουντουλίζ’νεευωδιάζουν, μοσχοβολούν
τοιτους/τις
τραγωδούνετραγουδάνε
τρέχ’νετρέχουν
τσ̌ιτσ̌εκόπαλουλουδάκια çiçek
χ̌αίρουντανχαίρονται
Σημειώσεις
¹ Αδόκιμος όρος αντί του ορθότερου «σεβνταλήδες»

Ποντιακός Στίχος - Pontian Lyrics 2024

Τραγούδια: 7813 | Albums/Singles: 1117 | Συντελεστές: 1525 | Λήμματα: 12584
Επικοινωνία: infoDUMMY@pontianlyrics.gr