Άλλο ’κι θα γεράτε

Προβολή Τραγουδιού

Καλλιτέχνες: Γιάννης Τσανάκαλης, Νίκος Παυλίδης

Όσοι είστουν πονεμέν’
για ελάτε μετ’ εμέν
Ούλ’ μαζί να τραωδούμε,
ελάτεν όσον μπορούμε
Η ζωή ολίγον έν’!

Φάτε, πιάτεν και ποίστεν
και πάντα χαμογελάτε
Γιατί η ζωή έν’ γιατρικόν,
άλλο ’κι θα γεράτε!

Ας σο νουν τα τέρτι͜α εβγάλ’τε,
πάντα να χαμογελάτε
Να μ’ ευτάτε δι͜αβολ’σύνα̤ς,
να ευτάτε καλοσύνα̤ς,
σον παράδεισον να πάτε

Φάτε, πιάτεν και ποίστεν
και πάντα χαμογελάτε
Γιατί η ζωή έν’ γιατρικόν,
άλλο ’κι θα γεράτε!

Τα παράδες πη μαζεύ’
κάποτε θα πουσ̌μανεύ’
Αφού ’κ’ επορεί ο μαύρον
να δί’ κι αγοράζ’ τον Χάρον
ας τρώει ατα και χορεύ’

Φάτε, πιάτεν και ποίστεν
και πάντα χαμογελάτε
Γιατί η ζωή έν’ γιατρικόν,
άλλο ’κι θα γεράτε!

Γλωσσάρι

Κείμενο	Επεξήγηση	Ετυμ. Ρίζα
ατα	αυτά
δί’	δίνει
δι͜αβολ’σύνα̤ς	πανουργίες, πονηριές, πονηρές πράξεις
είστουν	είστε
έν’	είναι
επορεί	μπορεί
ευτάτε	κάνετε, φτιάχνετε	εὐθειάζω
’κ’	δεν	οὐκί<οὐχί
καλοσύνα̤ς	καλοσύνες, καλές πράξεις
’κι	δεν	οὐκί<οὐχί
μετ’	μαζί με (με αιτιατική), με (τρόπος)
ούλ’	όλοι
παράδες	λεφτά, χρήματα	para/pāre
πη	που
πιάτεν	(προστ.) πιείτε
ποίστεν	(προστ.) κάντε, φτιάξτε	ποιέω-ῶ
πονεμέν’	πονεμένοι, βασανισμένοι
πουσ̌μανεύ’	μετανιώνει	pişman olmak<paşmān
τέρτι͜α	καημοί, βάσανα, στενοχώριες	dert
τραωδούμε	τραγουδάμε
χορεύ’	χορεύω/ει