Τα νεότητα δαβαίν’νε

Προβολή Τραγουδιού

Καλλιτέχνες: Μπάμπης Κεμανετζίδης, Χρήστος Παπαδόπουλος

Τραγωδώ και σ̌υρίζω,
τα κορτσόπα τυρα̤ννίζω
Τρώγω, πίνω και μεθύνω,
μουχαπέτ’ πουθέν ’κι αφήνω

Τα κορτσόπα, τα νυφόπα,
κάθαν βράδον σα κεφόπα
Χορεύ’νε και τραγωδούνε,
τον τραγουδιστήν/κεμεντζ̌ετζ̌ήν τερούνε

Τα παιδόπα εσερεύταν,
σο χορόν ατείν’ έχ̌’ κι έρθαν
Έρθεν ο κεμεντζ̌ετζ̌ής
και χορεύ’νε τ’ Εμπροπίσ’

Όλ’ εντάμαν τραγωδούμε,
τρώμε, πίνομ’ και γλεντούμε
Τα νεότητα δα̤βαίν’νε,
αδά τιδέν ’κι απομέν’νε

Γλωσσάρι

Κείμενο	Επεξήγηση	Ετυμ. Ρίζα
αδά	εδώ
απομέν’νε	απομένουν
ατείν’	αυτοί
βράδον	βράδυ
δα̤βαίν’νε	(για τόπο) περνούν, διασχίζουν, (για χρόνο) περνούν (γενικότερα) περνούν, παύουν, τελειώνουν	διαβαίνω
εμπροπίσ’	μπροστά-πίσω
εντάμαν	μαζί
έρθαν	ήρθαν
έρθεν	ήρθε
εσερεύταν	μαζεύτηκαν, συγκεντρώθηκαν
έχ̌’	έχει
κάθαν	κάθε
κεμεντζ̌ετζ̌ήν	λυράρη	kemençeci
κεμεντζ̌ετζ̌ής	λυράρης	kemençeci
’κι	δεν	οὐκί<οὐχί
κορτσόπα	κοριτσάκια
μεθύνω	μεθάω
μουχαπέτ’	κουβέντα, φιλική συνομιλία, συνεκδ. φιλική συνεστίαση (συνήθως μετά μουσικής)	muhabbet/maḥabbet
νεότητα	νιότη, νιάτα
νυφόπα	νυφούλες
όλ’	όλοι/α
παιδόπα	παιδάκια
πίνομ’	πίνουμε
πουθέν	πουθενά
σ̌υρίζω	σφυρίζω, παίζω αυλό	σῦριγξ
τερούνε	κοιτούν
τιδέν	τίποτα
τραγωδούμε	τραγουδάμε
τραγωδούνε	τραγουδάνε
τραγωδώ	τραγουδάω
τυρα̤ννίζω	τυραννάω, ταλαιπωρώ
χορεύ’νε	χορεύουν