Αητέντς είμαι σο γιάνι σ’

Προβολή Τραγουδιού

Καλλιτέχνες: Μπάμπης Κεμανετζίδης, Χρήστος Παπαδόπουλος

Άνοιξης τσ̌ιτσ̌έκ’ ση στράταν
πορπατείς εσύ και πας
Να εξέρ’να ο καημένον
εσύ τίναν αγαπάς

Όλα̤/Ούλα̤ τ’ εσά ιεμένα
και η ψ̌η σ’ πολλά καλόν
Τίνος παλληκάρ’ σον κόσμον
εσύ είσαι τυχερόν;

Άμον νύφε στολισμέντσα
με τη ήλονος το φως
Αχ! να έμ’νε το στεφάνι σ’,
σο γιάνι σ’ γιοσμάς γαμπρός

Αητέντς είμαι σο γιάνι σ’,
έχω εγώ χρυσά φτερά
και εσύ η περιστέρα μ’
έμορφος νοικοκυρά

Όντες θα χωρί͜εις σην καρδι͜άν,
πουλόπο μ’, τίναν θα βάλτς;
Εμέν τον καρδοκαμένον
τέρεν, ψ̌ήκα μ’, μ’ ανασπάλτς

Γλωσσάρι

Κείμενο	Επεξήγηση	Ετυμ. Ρίζα
αητέντς	αητός
άμον	σαν, όπως, καθώς	ἅμα
ανασπάλτς	ξεχνάς
βάλτς	βάζεις, τοποθετείς
γιάνι	πλάι, πλευρό	yan
γιοσμάς	κομψός, λεβέντης νέος	yosma
έμ’νε	ήμουν
έμορφος	όμορφος/η
εξέρ’να	ήξερα, γνώριζα
εσά	δικά σου/σας
ήλονος	ήλιου
ιεμένα	ταιριασμένα	uyma
νύφε	νύφη
όντες	όταν
ούλα̤	όλα
πολλά	(επίθ.) πολλά, (επίρρ.) πολύ
πορπατείς	περπατάς
πουλόπο	πουλάκι
στολισμέντσα	στολισμένη
τέρεν	(προστ.) κοίταξε
τίναν	ποιον/α
τίνος	ποιού;
τσ̌ιτσ̌έκ’	λουλούδι	çiçek
χωρί͜εις	χωρίζεις, ξεδιαλέγεις
ψ̌η	ψυχή
ψ̌ήκα	ψυχούλα