Ποντιακός Στίχος

Προβολή Τραγουδιού

Κοτσ̌ά-Αναστάσ’

Θάλασσα, Μαύρη ΘάλασσαΘάλασσα, Μαύρη Θάλασσα

Στιχουργοί: Βασίλης Μιχαηλίδης

Συνθέτες: Παραδοσιακό

Καλλιτέχνες: Βασίλης Μιχαηλίδης, Πόλυς Παυλίδης


Άμον αητέντς περήφανος
λάσ̌κεται -ν- τα ραχ̌ία
Ατός απέσ’ ατ’ κουβαλεί
ρωμαίικον καρδίαν

Έμπρα̤ πάει ο Κοτσ̌ά-Αναστάσ’,
οπίσ’ τα παλληκάρα̤
Σ’ ατείντς πουλόπα κελαηδούν,
χ̌αίρουνταν τα παρχάρα̤

Κρούει, πολεμά με τοι Τουρκάντς,
σο άψιμον εμπαίνει
Ν’ αηλί εσέν, Λιβά-Πασ̌ά,
ξαν νικητής εβγαίνει!

«Δος τ’ άρματα!» εκούιξαν
ατόν άμον ντο είδαν
«Μολών λαβέ» απέντεσεν¹
άμον το Λεωνίδαν
Γλωσσάρι
ΚείμενοΕπεξήγησηΕτυμ. ΡίζαΠροέλευση
αηλίαλίμονο ἀ- + μεσαιωνική ελληνική ἠλί < εβραϊκά אל (θεός)
αητέντςαητός
άμονσαν, όπως, καθώς
απέσ’μέσα
άρματαόπλα armum
ατείντςαυτούς
ατόςαυτός
άψιμονφωτιά
δοςδώσε
εκούιξανφώναξαν, λάλησαν, κάλεσαν κπ ονομαστικά
έμπρα̤μπροστά
κοτσ̌άπολύ μεγάλο, τεράστιο koca
κρούειχτυπάει
λάσ̌κεταιπεριφέρεται, τριγυρνά, περιπλανιέται ἀλάομαι/ηλάσκω
ν’ αηλίαλίμονο μεσαιων. ελλ. ἀλί<ἀ- + ἠλί (εβραϊκά אל)= θεός
ξανπάλι, ξανά
οπίσ’πίσω
παρχάρα̤ορεινοί τόποι θερινής βοσκής
πασ̌άπασά (βαθμός ή τίτλος τιμητικός ανώτατου πολιτικού ή στρατιωτικού επί Οθωμ. Αυτοκρατορίας), (καθομ.) άρχοντα, τιμητική προσφώνηση μεγαλύτερου αδελφού paşa
πουλόπαπουλάκια
ραχ̌ίαράχες, βουνά
ρωμαίικοναυτό που είναι των Ρωμιών
τοιτους/τις
ΤουρκάντςΤούρκους
χ̌αίρουντανχαίρονται
Σημειώσεις
¹ Αδόκ. τύπος αντί του επέντεσεν.

Ποντιακός Στίχος - Pontian Lyrics 2024

Τραγούδια: 8001 | Albums/Singles: 1225 | Συντελεστές: 1599 | Λήμματα: 13743
Επικοινωνία: infoDUMMY@pontianlyrics.gr