Ποντιακός Στίχος

Προβολή Τραγουδιού

Απέσ’ σον Πόντον άψιμον

Πόντος | Δικαίωμα στη μνήμηΠόντος | Δικαίωμα στη μνήμη

Στιχουργοί: Βασίλης Μιχαηλίδης

Συνθέτες: Βασίλης Μιχαηλίδης

Καλλιτέχνες: Βασίλης Μιχαηλίδης, Πόλυς Παυλίδης


Απέσ’ σον Πόντον άψιμον,
καίουνταν οι Ρωμαίοι
Οι Τούρκ’ ρημάζ’νε, σπάζ’νε
κι η Παναΐα κλαίει

Κλαίει η Σαμψούντα τ’ έρημον,
δακρύζ’ η Κερασούντα
Βρούλαν επέρεν κι άψιμον
το τσ̌όλ’ η Τραπεζούντα

Μοιρολογούν, βαρκίζ’νε
μανάδες και μωρά
Έχ̌’ κι έρχουνταν τσ̌ετέδες
με τον Τοπάλ-Οσμάν

Σην εγκλεσίαν έσυραν
κι εστοίβαξαν τα ψ̌ήα
Κλαψίματα, βαρκίγματα
’ταράγαν ση φωτίαν

Βρεχ̌ήν τα δά̤κρα̤ στάζ’νε,
τα αίματα ποτάμ’
Τρέχ’νε και ’κι χορτάζ’νε
τον Τοπάλ-Οσμάν

Η γη εκαταμάτωσεν,
ο ήλον ενεβζήεν
κι ένας αετός περήφανος
ετσακοφτερουλίεν

Απέσ’ σον Πόντον άψιμον
καίουνταν οι Ρωμαίοι
Καρβών’ ο Πόντον έντον
κι η Παναΐα κλαίει
Γλωσσάρι
ΚείμενοΕπεξήγησηΕτυμ. ΡίζαΠροέλευση
απέσ’μέσα
άψιμονφωτιά
βαρκίγματακραυγές, θρήνοι
βαρκίζ’νεκραυγάζουν, θρηνούν γοερά
βρεχ̌ήνβροχή
βρούλανφλόγα brûler
δά̤κρα̤δάκρυα
εγκλεσίανεκκλησία
ενεβζήενέσβησε
έντονέγινε
επέρενπήρε
έρχουντανέρχονται
έσυρανέσυραν, τράβηξαν, έριξαν
ετσακοφτερουλίενέσπασε τα φτερά του
έχ̌’έχει
καίουντανκαίγονται
καρβών’κάρβουνο
’κιδεν οὐκί<οὐχί
Ρωμαίοιοι ορθόδοξοι χριστιανοί πολίτες επί Οθωμανικής Αυτοκρατορίας
σπάζ’νεσφάζουνε
στάζ’νεστάζουνε
’ταράγαν(εταράγαν) αναμίχθηκαν, ανακατεύτηκαν, μπλέχτηκαν
τρέχ’νετρέχουν
τσ̌ετέδεςσυμμορίτες, άτακτες ομάδες οπλισμένων μουσουλμάνων υπότροπων κατάδικων
τσ̌όλ’έρημο, ερημικό çöl
χορτάζ’νεχορτάζουν
ψ̌ήαψυχές, η περιοχή του στέρνου, τα εσώψυχα

Ποντιακός Στίχος - Pontian Lyrics 2024

Τραγούδια: 8001 | Albums/Singles: 1225 | Συντελεστές: 1599 | Λήμματα: 13743
Επικοινωνία: infoDUMMY@pontianlyrics.gr