Προβολή Τραγουδιού
Το παράπονον τη νέονος |

Στιχουργοί: Τάκης Παπαδόπουλος
Συνθέτες: Γιάννης Τσανάκαλης
Καλλιτέχνες: Γιάννης Τσανάκαλης, Τάκης Παπαδόπουλος
Αδά σον κόσμον απάν’ είχα έναν κρυφόν χαράν Με κρυφόν χαράν εζήν’να τη ζωή μ’ για τ’ ατέ εδίν’να Χαίρουμαι και τραγωδώ εθαρρείτεν ’κι πονώ Ελάτεν, λελεύω σας, τη ψ̌ης ι-μ’ ας λέω σας Ένουμ’νε τσ̌αχάλ’ παιδίν, εγάπανα είναν κουτσ̌ήν ορφανόν άμον εμέν, σην εγκάλα̤ μ’ έκλαιεν Έλεεν μ’ «αν ’κι αγαπάς με, με τα χ̌έρα̤ σ’ να πας θάφτς με! Εγώ εσέν αν ’κι παίρω ση ζωή μ’ να ζω ’κι θέλω» Ατώρα ποίος ηξέρ’, γιατί εμέν άλλο ’κι θέλ’; Την καρδία μ’ να λαφρώνω κι ας σο τέρτι μ’ να γλυτώνω Είπε με «Είσαι φτωχός, δέβα τέρ’ το τυχερό σ’! Σούκ’, δέβα σην Γερμανίαν κι έλα αγάπα με αλλομίαν»
Κείμενο | Επεξήγηση | Ετυμ. Ρίζα | Προέλευση |
---|---|---|---|
αδά | εδώ | ||
αλλομίαν | άλλη μια φορά | ||
άμον | σαν, όπως, καθώς | ἅμα | |
απάν’ | πάνω | ||
ατέ | αυτή | ||
ατώρα | τώρα | ||
δέβα | (προστ.) πήγαινε | ||
εγάπανα | αγαπούσα | ||
εγκάλα̤ | αγκαλιά | ||
εδίν’να | έδινα, παρέδιδα | ||
εζήν’να | ζούσα | ||
είναν | έναν, μία | ||
έκλαιεν | έκλαιγε | ||
έλεεν | έλεγε | ||
ένουμ’νε | έγινα | ||
θάφτς | θάβεις | ||
’κι | δεν | οὐκί<οὐχί | |
κουτσ̌ήν | κόρη | ||
λελεύω | χαίρομαι | ||
παίρω | παίρνω | ||
ποίος | (ερωτημ.) ποιός, (αναφ.αντων.) όποιος | ||
σούκ’ | (προστ.) σήκω | ||
τέρ’ | (προστ.) κοίταξε | ||
τέρτι | καημός, βάσανο, στενοχώρια | dert | |
τραγωδώ | τραγουδάω | ||
τσ̌αχάλ’ | άπειροι, ανώριμοι, άβγαλτοι | cahil/cāhil | |
χ̌έρα̤ | χέρια | ||
ψ̌ης | ψυχής |