Άνοιξη

Προβολή Τραγουδιού

Καλλιτέχνες: Μιχάλης Καλιοντζίδης, Σοφία Νικολαΐδη, Στάθης Νικολαΐδης

expand_content

Έρθεν Απρίλτς κι ο Μάης,
τ’ ολόερα πρασινίζ’νε
Πλουμιστά τα τσ̌ιτσ̌εκόπα
ντ’ έμορφα που σκουντουλίζ’νε

Τα νιάτα χ̌αίρουνταν,
τρέχ’νε αδά κι ακεί
Έρχουν τα χελιδόνια
και κελαηδούν τ’ αηδόνια

Όλα χαμογελούνε
και -ν- όλα τραγωδούνε
Χαμογελούν την άνοιξην,
την άνοιξην, την άνοιξην
υμνούν και τραγωδούνε
Πεταλουδόπα πλουμιστά
αδά κι ακεί πετούνε

Τα νιάτα χ̌αίρουνταν,
τρέχ’νε αδά κι ακεί
Έρχουν τα χελιδόνια
και κελαηδούν τ’ αηδόνια

Άνοιξη είσαι μάισσα,
πρασινοφορεμέντσα
Τοι σεβνταλείς¹ και όλτς μαγεύ’ς,
νε σ̌κύλ’ αφορισμέντσα!

Τα νιάτα χ̌αίρουνταν,
τρέχ’νε αδά κι ακεί
Έρχουν τα χελιδόνια
και κελαηδούν τ’ αηδόνια

Γλωσσάρι

Κείμενο	Επεξήγηση	Ετυμ. Ρίζα
αδά	εδώ
ακεί	εκεί
Απρίλτς	Απρίλιος
αφορισμέντσα	αφορισμένη, αναθεματισμένη
έμορφα	όμορφα
έρθεν	ήρθε
έρχουν	έρχονται
μάισσα	μάγισσα
ολόερα	ολόγυρα
όλτς	όλους
πεταλουδόπα	πεταλουδίτσες
πλουμιστά	στολισμένα, διακοσμημένα με ζωγραφιές ή κεντήματα, πολύχρωμα	pluma
πρασινίζ’νε	πρασινίζουν
σκουντουλίζ’νε	ευωδιάζουν, μοσχοβολούν
σ̌κύλ’	(γεν.) σκύλου
τοι	τους/τις
τραγωδούνε	τραγουδάνε
τρέχ’νε	τρέχουν
τσ̌ιτσ̌εκόπα	λουλουδάκια	çiçek
χ̌αίρουνταν	χαίρονται

Σημειώσεις

¹ Αδόκιμος όρος αντί του ορθότερου «σεβνταλήδες»