Έλα, δος με τη χαράν

Έμαθα τη μαχαλά σ’,
πουλί μ’, πέει με τ’ όνομα σ’ 
[Άι! τ’ όνομα σ’]
Πουλί μ’, πέει με τ’ όνομα σ’
με το γλυκοφίλεμα σ’ 
[Ποδεδίζω σε!/Έλα λέω σε!]

Πάντα λες, πάντα γελάς
και τον πόνο μ’ ’κ’ εγροικάς 
[Έλα λέω σε!]
Το καρδόπο μ’ γεραλίν,
δίκοπον μαχ̌αίρ’ η ψ̌η μ’
[Έλα λέω σε!/Ποδεδίζω σε!]

Το καρδόπο σ’ αν χτυπά,
τον πόνο μ’ πρέπ’ να εγροικά 
[Έλα λέω σε]
Εσέν έχω απέσ’ σην ψ̌η μ’,
εσύ είσαι η ζωή μ’
[Ποδεδίζω σε!/Έλα λέω σε!]

Το ψ̌όπο σ’ μη τυραννί͜εις
το κρίμαν θα έ͜εις σην ψ̌η σ’
[Έλα λέω σε]
Έλα δος με τη χαράν
με το γλυκοφίλεμαν
[Έλα λέω σε!/Ποδεδίζω σε!]