Ο Κλεάνθης ας σο Κιλκίς

Προβολή Τραγουδιού

Στιχουργοί: Κωνσταντίνος Παπαδόπουλος

Καλλιτέχνες: Κωνσταντίνος Παπαδόπουλος

Ο Κλιάνθης ας σο Κιλκίς,
ο τρανόν λυράρης
’Παρεδώκεν έναν ψ̌ην 
άμον παλληκάρι

Τον Δεκαπενταύγουστον,
άγιον ημέρα,
Μαύρον χαπάρ’ επέρεν
όλ’ η περιφέρεια

Οι μανάδες έκλαψαν
και σα μαύρα εσέβαν
Φίλ’, κορτσόπα, συγγενείς,
όλ’ ετοπλαεύταν

Κλέο, σούκ’ και άνοιξον
τ’ ομματόπα σ’ μίαν
Έπαρ’ παίξον κεμεντζ̌έν,
πέει έναν τραγωδίαν

Ους αδά έτον η ζωή
για τ’ εσέν, Κλιάνθη
Ο Τσακαλίδης θά ’ρ’ται ευρήκ’
και -ν- εσέν σον Άδη

Γράψον γράμμαν, στείλον μας
ας σον άλλ’ τον κόσμον
Γράψον πως δα̤βαίντς εσύ
σον χορόν, τον τόπον

Γλωσσάρι

Κείμενο	Επεξήγηση	Ετυμ. Ρίζα
αδά	εδώ
άμον	σαν, όπως, καθώς	ἅμα
άνοιξον	(προστ.) άνοιξε
ας σο	απ’ το	ασό σο (από το)
ας σον	απ’ τον	ασό σον (από τον)
γράψον	γράψε
δα̤βαίντς	(για τόπο) περνάς, διασχίζεις, (για χρόνο) περνάς	διαβαίνω
έπαρ’	(προστ.) πάρε
επέρεν	πήρε
εσέβαν	μπήκαν
έτον	ήταν
ετοπλαεύταν	μαζεύτηκαν, συγκεντρώθηκαν	toplamak
ευρήκ’	βρίσκω/ει
κεμεντζ̌έν	λύρα	kemençe/kemānçe
κορτσόπα	κοριτσάκια
μίαν	μια φορά
όλ’	όλοι/α
ομματόπα	ματάκια
ους	ως, μέχρι
παίξον	(προστ.) παίξε
πέει	(προστ.) πες
’ρ’ται	(έρ’ται) έρχεται
σούκ’	(προστ.) σήκω
στείλον	(προστ.) στείλε
τραγωδίαν	τραγούδι
φίλ’	(προστ. φιλώ) φίλα, (πληθ. φίλον) φίλοι
χαπάρ’	χαμπάρι, είδηση, μαντάτο	haber/ḫaber
ψ̌ην	ψυχή