Γουρπάνι σ’ περιστέρα μ’

Προβολή Τραγουδιού

Καλλιτέχνες: Κώστας Θεοδοσιάδης, Μιχάλης Καλιοντζίδης

Γουρπάνι σ’, περιστέρα μ’,
ανάσα μ’ και αέρα μ’!
Εσέν σ’ εγκαλιόπο μ’
σπιχτά θα κρατώ
Θα έχω σε σο γιάνι μ’
κι αποκουμπί͜εις απάν’ ι-μ’,
αγγέλ’ φτερά θα φέρω
και θα πετώ

Όρκον σ’ εσένα θα δίω
«Σ’ όλεν τ’ εμόν το βίον,
εμέν κανείς ’κι θα ’πορεί
να κομπών’»
Εσύ είσαι το νισ̌άν’ ι-μ’
μ’ ευτάς με περισ̌άνιν
Η σεβντά μ’ για τ’ εσέναν
πολλά τρανόν

Έλα, μη ακούς τη χώραν,
η ψ̌η μ’ σερίν εβόραν,
άλλος ’κι θα αγαπά σε
άμον εμέν
Τιδέν ’κι θα κομπών’ μας,
εγάπη θα ενών’ μας,
Εντάμα θα γερούμε
αγαπεμέν’
Εντάμα θα γερούμε
η εγάπ’ θα μέν’

Γλωσσάρι

Κείμενο	Επεξήγηση	Ετυμ. Ρίζα
αγαπεμέν’	αγαπημένοι
αγγέλ’	(ονομ. πληθ.) άγγελοι, (γεν.) αγγέλου
άμον	σαν, όπως, καθώς	ἅμα
απάν’	πάνω
αποκουμπί͜εις	ακουμπάς, στηρίζεσαι
βίον	το βιος, το σύνολο των ζωντανών που έχει στην ιδιοκτησία του κάποιος, η περιουσία κάποιου
γερούμε	γερνάμε
γιάνι	πλάι, πλευρό	yan
γουρπάνι	θυσία	kurban/ḳurbān
δίω	δίνω
εβόραν	σκιά
εγάπ’	αγάπη
εγάπη	αγάπη
εγκαλιόπο	αγκαλίτσα
εμόν	δικός/ή/ό μου	ἐμοῦ
εντάμα	μαζί
ευτάς	κάνεις, φτιάχνεις	εὐθειάζω
’κι	δεν	οὐκί<οὐχί
κομπών’	εξαπατάω/άει, ξεγελάω/άει, μτφ. σαγηνεύω/ει	κομβόω
νισ̌άν’	σημάδι, στόχος, αρραβώνας	nişan/nişān
όλεν	όλη/ο, ολόκληρη/ο
πολλά	(επίθ.) πολλά, (επίρρ.) πολύ
σεβντά	αγάπη, έρωτας	sevda/sevdā
σερίν	δροσιά, δροσερό μέρος υπό σκιά	serin
σπιχτά	σφιχτά
τιδέν	τίποτα
χώραν	ξένους, μη οικείους, ξενιτειά
ψ̌η	ψυχή