Κανείται ντ’ ετυράνντσες με

Προβολή Τραγουδιού

Τα ποντιακά των Τσανάκαλη - Λαζαρίδη Νο1

Κανείται ντ’ ετυράνντσες με,
γεράν έχ̌’ η καρδία μ’
Ας σα τέρτα̤ ντ’ εδέβα εγώ
έσπρυναν τα μαλλία μ’

Ας σο Ραγιάν¹ είμαι -ν- εγώ
όσον μακρά κι αν είναι
Εκκλησίας να δεβάζ’νε
σα χώματα σ’ θα κείμαι

Σαλονικί’ άνοιξης τσ̌ιτσ̌έκ’,
γουρπάν’ -τ- σ’, Καλαμαρία!
Όλι͜α έχτισαν σ’ άλλ’ το γιάν’
(κι) εσέν σην παραλία

Και με το κεμεντζ̌όπο μου
σον Άδ’ θα κατηβαίνω
Εκεί παραπονέματα
έναν βράδον ’κι μένω

Γλωσσάρι

Κείμενο	Επεξήγηση	Ετυμ. Ρίζα
βράδον	βράδυ
γεράν	πληγή, τραύμα	yara
γιάν’	πλάι, πλευρά	yan
γουρπάν’	θυσία	kurban/ḳurbān
δεβάζ’νε	διαβάζουν, περνούν, πηγαίνουν κπ/κτ κάπου
εδέβα	(για τόπο) πέρασα, διέσχισα (για χρόνο) πέρασα	διαβαίνω
έσπρυναν	άσπρισαν
ετυράνντσες	τυράννησες, ταλαιπώρησες
έχ̌’	έχει
κανείται	φτάνει, είναι αρκετό
κατηβαίνω	κατεβαίνω
κείμαι	κείτομαι, ξαπλώνω
κεμεντζ̌όπο	(υποκορ.) λύρα	kemençe/kemānçe
’κι	δεν	οὐκί<οὐχί
μακρά	(επιρρ.) μακριά, (επιθ.) μακρινά, απομακρυσμένα
παραπονέματα	παράπονα
Σαλονικί’	Θεσσαλονίκης
τέρτα̤	καημοί, βάσανα, στενοχώριες	dert
τσ̌ιτσ̌έκ’	λουλούδι	çiçek

Σημειώσεις

¹ Παλιά ονομασία του χωριού Βάθη Κιλκίς