Όντες πας σο παρχάρ’

Προβολή Τραγουδιού

Καλλιτέχνες: Γιωργούλης Κουγιουμτζίδης, Κώστας Καραπαναγιωτίδης

Αρ’ όντες πας και σο παρχάρ’
κάθκα -ν- απέσ’ σην άμμον
Τοι παρχαρέτας δέβασον
κι εσύ εμέν ανάμ’νον

Παρχαρομάνα εποίκε σε
κι εγέντς λαλαχ̌αρία
Εσέγκες με και ση σεβντάν
τερείς με κρύα - κρύα

Κρύον παρχαρονέρ’ είσαι,
νασάν τον διψασμένον
Νασάν που κείται μετ’ εσέν
και κείσαι νυσταγμένον

Γλωσσάρι

Κείμενο	Επεξήγηση	Ετυμ. Ρίζα
ανάμ’νον	περίμενε
απέσ’	μέσα
δέβασον	(προστ.) διάβασε, πέρασε, πήγαινε κπ/κτ κάπου
εγέντς	έγινες, κατάντησες
εποίκε	έκανε, έφτιαξε	ποιέω-ῶ
εσέγκες	έβαλες, εισήγαγες
κάθκα	(προστ.) κάθισε
κείσαι	κείτεσαι, ξαπλώνεις
κείται	κείτεται, ξαπλώνει
λαλαχ̌αρία	χαϊδεμένη, παραχαϊδεμένη
μετ’	μαζί με (με αιτιατική), με (τρόπος)
νασάν	χαρά σε
όντες	όταν
παρχάρ’	ορεινός τόπος θερινής βοσκής
παρχαρομάνα	γυναίκα που ήταν επιφορτισμένη με τις δουλειές του παρχαριού, ορεινού τόπου θερινής βοσκής
σεβντάν	αγάπη, έρωτα	sevda/sevdā
τερείς	κοιτάς
τοι	τους/τις