Ποντιακός Στίχος

Προβολή Τραγουδιού

Κατεβάστε τους στίχους σε PDF

Σεράντα μήλα/Μάνα, γιατί εποίν’νες με;

Ποντιακά παραδοσιακάΠοντιακά παραδοσιακά

Στιχουργοί: Παραδοσιακό

Συνθέτες: Παραδοσιακό

Καλλιτέχνες: Γιάννης Καραπαναγιωτίδης, Γιάννης Σανίδης


Σεράντα μήλα κόκκινα 
[πουλί μ’/γιαβρί μ’]
σ’ ένα μαντίλ’ δεμένα
Σεράντα σέβντας κι αν ευτάς 
[πουλί μ’/γιαβρί μ’]
’κ’ ευρήκ’ς κι άμον έμενα

Για έλα, έλα, πουλί μ’,
μετ’ εμέν έλα, γιαβρί μ’
Ατό τ’ εσόν το τέρεμαν, πουλί μ’
θα σύρ’ και παίρ’ τ’ αχούλι μ’

Τ’ ομμάτα̤ σ’ ας σον ουρανόν 
[πουλί μ’/γιαβρί μ’]
αστρόπα κατηβάζ’νε
Πόσα καρδόπα έκαψες 
[πουλί μ’/γιαβρί μ’]
και πόσα αναστενάζ’νε;

Για έλα, έλα, πουλί μ’,
μετ’ εμέν έλα, γιαβρί μ’
Ατό τ’ εσόν το τέρεμαν, πουλί μ’
θα σύρ’ και παίρ’ τ’ αχούλι μ’

♫

Μάνα, γιατί εποίν’νες με -ν-
αΐκον πονεμένον;
Όλα̤ τα κάρδι͜ας χ̌αίρουνταν
τ’ εμόν πάντα κλαμένον

Αρ’ εγέντον έναν χρόνον
σύρω τη σεβντά σ’ τον πόνον
Το κιφάλι μ’ σο μαξιλάρ’,
κι ο νους ι-μ’ έν’ σο δρόμον

Πουλόπο μ’, εροθύμεσα
τ’ ομμάτα̤ σ’ να ελέπω
Όχι τ’ ομμάτα̤ σ’ μοναχόν,
το πόι σ’ όλον να ελέπω

Βέχω, βέχω, ξεροβέχω
κείμαι κα’, τ’ αρνόπο μ’ ’κ’ έχω
Με τ’ ομματί’ μ’ τα δα̤κρόπα
το μαξιλάρι μ’ βρέχω
Γλωσσάρι
ΚείμενοΕπεξήγησηΕτυμ. ΡίζαΠροέλευση
αΐκοντέτοιο/α
άμονσαν, όπως, καθώς ἅμα
αναστενάζ’νεαναστενάζουν
αρνόποαρνάκι, χαϊδευτική προσφώνηση γυναίκας
αστρόπααστεράκια
αχούλιμυαλό akıl/ʿaḳl
βέχωβήχω
γιαβρίμωρό, μικρό, παιδί yavru
δα̤κρόπα(υποκορ.) δάκρυα
εγέντονέγινε
ελέπωβλέπω
εμόνδικός/ή/ό μου ἐμοῦ
έν’είναι
εποίν’νεςέκανες, έφτιαχνες ποιέω-ῶ
εροθύμεσανοστάλγησα
εσόνδικός/ή/ό σου
ευρήκ’ςβρίσκεις
ευτάςκάνεις, φτιάχνεις εὐθειάζω
’κ’δεν οὐκί<οὐχί
κα’κάτω
καρδόπακαρδούλες
κατηβάζ’νεκατεβάζουν
κείμαικείτομαι, ξαπλώνω
κιφάλικεφάλι
μετ’μαζί με (με αιτιατική), με (τρόπος)
ξεροβέχωξεροβήχω
ομμάτα̤μάτια
ομματί’ματιού
παίρ’παίρνω/ει
πόιύψος, μπόι boy
πουλόποπουλάκι
σεβντάαγάπη, έρωτας sevda/sevdā
σέβντας(πληθ. τα) αγάπες, έρωτες sevda/sevdā
σεράντασαράντα
σύρ’σύρω/ει, τραβάω/ει, ρίχνω/ει
σύρωσέρνω, τραβώ, ρίχνω
τέρεμανβλέμμα, κοίταγμα, μτφ. φροντίδα
χ̌αίρουντανχαίρονται

Ποντιακός Στίχος - Pontian Lyrics 2025

Τραγούδια: 9665 | Albums/Singles: 1749 | Συντελεστές: 2000 | Λήμματα: 15822
Επικοινωνία: infoDUMMY@pontianlyrics.gr