Κιλκίς, πατρίδαν έχω σε

Προβολή Τραγουδιού

Χ̌ερενίτ’σσα/Κιλκίς, πατρίδαν έχω σε

Στιχουργοί: Γιωργούλης Παπαδόπουλος

Συνθέτες: Γιωργούλης Παπαδόπουλος

Καλλιτέχνες: Γιωργούλης Παπαδόπουλος, Μύρων Γρηγοριάδης

Ας σην εγκάλι͜α σ’ έφυγα
σε άλλο πολιτείαν
Άμαν εσέν εφέκα σε
το νου μ’ και την καρδία μ’

Ντό να ’ίνουμαι και κλαίω
και πουδέν καν’νάν ’κι λέω
Σ’ έναν έμορφον κορτσόπον
τα παράπονα μ’ θα λέω

Όσον μακρά κι αν κάθουμαι
εσέν πάντα νουνίζω
Κιλκίς, πατρίδαν έχω σε,
θυμούμαι και δακρύζω

«Αχ!» ευτάω για τ’ εσένα,
το «βαχ!» έν’ μετ’ εμένα
Και για τ’ εσέν, κορτσόπον,
πονεί αρ’ και το ψ̌όπο μ’
Και για τ’ εσέν, κορτσόπον,
πονεί αρ’ το καρδόπο μ’

Κιλκίς, μίαν θα έρχουμαι
και ρούζω σην εγκάλι͜α σ’
Κι ατότε εγώ θα χάρουμαι
τα έμορφα τα κάλλι͜α σ’

Τυρα̤ννίγουμαι και κλαίω
και καν’νάν τιδέν ’κι λέω
Ση χ̌ορίτσας το κορτσόπον
τα παράπονα μ’ θα λέω

Γλωσσάρι

Κείμενο	Επεξήγηση	Ετυμ. Ρίζα
άμαν	αλλά	ama/ammā
ατότε	τότε
εγκάλι͜α	αγκαλιά
έμορφα	όμορφα
έμορφον	όμορφο
έν’	είναι
έρχουμαι	έρχομαι
ευτάω	κάνω, φτιάχνω	εὐθειάζω
εφέκα	άφησα
θυμούμαι	θυμάμαι
’ίνουμαι	γίνομαι
κάλλι͜α	κάλλη
καν’νάν	κανέναν
καρδόπο	καρδούλα
’κι	δεν	οὐκί<οὐχί
κορτσόπον	κοριτσάκι
μακρά	(επιρρ.) μακριά, (επιθ.) μακρινά, απομακρυσμένα
μετ’	μαζί με (με αιτιατική), με (τρόπος)
μίαν	μια φορά
νουνίζω	σκέφτομαι
πουδέν	πουθενά
ρούζω	πέφτω, ρίπτω
τιδέν	τίποτα
τυρα̤ννίγουμαι	τυραννιέμαι, ταλαιπωρούμαι
χ̌ορίτσας	χηρούλας
χάρουμαι	χαίρομαι
ψ̌όπο	ψυχούλα