Μανίτσα μ’

Προβολή Τραγουδιού

Καλλιτέχνες: Γεώργιος Ιακωβίδης, Έλλη Κεμανίδου, Μύρων Γρηγοριάδης

Έρθαν τα Χριστούγεννα
κι όλι͜α τα γιορτάς, μανίτσα μ’,
κι όλι͜α τα γιορτάς
Για τον γιο σ’ τον ξενιτέαν
ξάι πώς ’κ’ ερωτάς, μανίτσα μ’,
ξάι πώς ’κ’ ερωτάς;

Μάνα, ποίσον τα χαρτία μ’,
έπαρ’ με -ν- οπίσ’, μανίτσα μ’,
έπαρ’ με -ν- οπίσ’
Σ’ έρημον την ξενιτείαν
μ’ α̤φήντς το παιδί σ’, μανίτσα μ’,
μ’ α̤φήντς το παιδί σ’

Το ψωμίν τη ξενιτείας
για τ’ εμέν χαράμ’, μανίτσα μ’,
για τ’ εμέν χαράμ’
Ατόσα μαύρα ημέρας
έρθαν εμπροστά μ’, μανίτσα μ’,
έρθαν εμπροστά μ’

Γλωσσάρι

Κείμενο	Επεξήγηση	Ετυμ. Ρίζα
γιορτάς	γιορτές
εμπροστά	μπροστά, πρωτύτερα
έπαρ’	(προστ.) πάρε
έρθαν	ήρθαν
ερωτάς	ρωτάς
’κ’	δεν	οὐκί<οὐχί
ξάι	καθόλου
ξενιτέαν	ξενιτεμένο
οπίσ’	πίσω
ποίσον	(προστ.) κάνε, φτιάξε	ποιέω, ποιῶ
χαράμ’	χαράμι, κάτι που δεν έχει τελικά όφελος ή αποτέλεσμα	haram/ḥarām