Προβολή Τραγουδιού
Θύμπιρον |
ΘύμπιρονΣτιχουργοί: Θανάσης Στυλίδης, Θεόφιλος Δημητριάδης
Συνθέτες: Θανάσης Στυλίδης
Καλλιτέχνες: Θανάσης Στυλίδης, Παναγιώτα Αμπερίδου, Πόλυς Εφραιμίδης
Θύμπιρον εσκουτούλιζεν η μαχαλά σα παραθυρόπα σ’ τα ψηλά Τα περτέδες ανοιχτά ενέσπαλες άμον φέγγος να εμπαίνω απέσ’ Νέικον έμ’νε κι εσύ παλληκάρ’ Λόγια τη εγάπ’ς με το τοξάρ’ έγραφτες σα τέλια απάν’ κι άμον αηδόν’ ετραγώδ’νες με ως να μερών’ Άνεμος εφύσεσεν μοθοπωρί’ κι άμον ξερόν φύλλον σο κλαδίν Επετάλτσε με απ’ αδά και απ’ ακεί να̤φιλά̤ν εδέβεν η ζωή Τ’ αχουλόπο μ’ άμον δί’ και παίρ’ Το πουρνόν ντό φέρ’, κανείς κι ’ξέρ’! Θα φυλλών’ και τσ̌ιτσ̌ι͜ακών’ ξαν η σεβντά Εντάμαν θα ζούμε τη χαράν Έι! πουλί μ’, τα βάσανα μ’ έταν πολλά κι η χαρά ντ’ επέρα, μουταράν Έσπρυνα κι αλήγορα εγέρασα άσ̌κεμα χρόνι͜α εδέβασα Τα χ̌ερόπα σ’, γιάρι μ’, άπλωσον, το ψ̌όπο σ’ σο ψ̌όπο μ’ να γριβών’ Ντ’ έμορφα εσκουτούλτσεν το θύμπιρον Τσαρανίζ’ ο ήλεν, θα μερών’!
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αδά | εδώ | ||
| ακεί | εκεί | ||
| αλήγορα | γρήγορα | ||
| άμον | σαν, όπως, καθώς | ἅμα | |
| απάν’ | πάνω | ||
| απέσ’ | μέσα | ||
| άπλωσον | (προστ.) άπλωσε | ||
| άσ̌κεμα | άσχημα | ||
| αχουλόπο | μυαλουδάκι | akıl/ʿaḳl | |
| γιάρι | αγαπητός/ή/ό, αγάπη | yâr | |
| γριβών’ | προσκολλάται, γαντζώνεται | αγριφώνω<agrafer<grappa | |
| δί’ | δίνει | ||
| δί’ και παίρ’ | (εκφ. δίνει και παίρνει) σβήνει κι ανάβει, ενεργεί αλλοπρόσαλλα | ||
| εγάπ’ς | αγάπης | ||
| εγέρασα | γέρασα | ||
| εδέβασα | διάβασα, πέρασα, διέσχισα, πήγα κπ/κτ κάπου | διαβαίνω | |
| εδέβεν | πήγε, διάβηκε, διέσχισε, ξεπέρασε | διαβαίνω | |
| έμ’νε | ήμουν | ||
| έμορφα | όμορφα | ||
| εμπαίνω | μπαίνω | ||
| ενέσπαλες | ξέχασες | ||
| εντάμαν | μαζί | ||
| επέρα | πήρα | ||
| επετάλτσε | φυλλολόγησε, ξεφύλλισε | ||
| εσκουτούλιζεν | ευωδίαζε | ||
| εσκουτούλτσεν | ευωδίασε | ||
| έσπρυνα | άσπρισα | ||
| έταν | ήταν | ||
| ετραγώδ’νες | τραγουδούσες | ||
| εφύσεσεν | φύσηξε | ||
| ήλεν | ήλιος/ήλιο | ||
| θύμπιρον | θυμάρι | θύμβρη<θύμβρα | |
| μαχαλά | γειτονιά | mahalle/maḥalle | |
| μερών’ | μερώνει, ξημερώνει | ||
| μοθοπωρί’ | φθινόπωρο καιρό | ||
| μουταράν | πενιχρό μέσο, ψευτοδουλειά | müdârâ | |
| να̤φιλά̤ν | μάταιο/α, ανώφελο | nafile/nāfile | |
| νέικον | νέο, νεαρό | ||
| ξαν | πάλι, ξανά | ||
| παίρ’ | παίρνω/ει | ||
| παραθυρόπα | παραθυράκια | ||
| περτέδες | παραπετάσματα παραθύρων, κουρτίνες | perde | |
| πολλά | (επίθ.) πολλά, (επίρρ.) πολύ | ||
| πουρνόν | πρωί, πρωινό, επαύριον | ||
| σεβντά | αγάπη, έρωτας | sevda/sevdā | |
| τέλια | σύρματα, χορδές μουσικού οργάνου | tel | |
| τοξάρ’ | δοξάρι | ||
| τσαρανίζ’ | ακτινοβολεί αμυδρά, τρεμοσβήνει | ||
| τσ̌ιτσ̌ι͜ακών’ | ανθοφορεί, λουλουδιάζει | çiçek | |
| φέγγος | φεγγάρι | ||
| φέρ’ | φέρνω/ει | ||
| φυλλών’ | φυλλώνει, φέρει φύλλα | ||
| χ̌ερόπα | χεράκια | ||
| ψ̌όπο | ψυχούλα |
