Όντες αγαπάς

Προβολή Τραγουδιού

Καλλιτέχνες: Δαμιανός Ακριτίδης, Μπάμπης Ιορδανίδης

Όντες αγαπάς
ήντι͜αν θέλτς ευτάς
Ακούς την καρδία σ’,
καν’νάν ’κ’ ερωτάς

♫

Με το νερό σ’ ’κι ξεδιψώ,
ας σην εγάπ’ χορτάζω
Όντες κείσαι σ’ εγκαλιόπο μ’
μερών’ και ’κι νυστάζω

Όντες αγαπάς
ήντι͜αν θέλτς ευτάς
Ακούς την καρδία σ’,
καν’νάν ’κ’ ερωτάς

Κορτσόπον, έμορφον τσ̌ιτσ̌έκ’,
πώς εξέβες σο γιάνι μ’;
Φυσά αέρας, ρούζ’ ατα
τα φυλλόπα σ’ απάν’ ι-μ’

Όντες αγαπάς
ήντι͜αν θέλτς ευτάς
Ακούς την καρδία σ’,
καν’νάν ’κ’ ερωτάς

Τερώ τη στράταν ντο πατείς,
σ’ εξώπορτο σ’ μερώνω
Με την καρδία μ’ και την ψ̌η μ’
την εγάπη σ’ πλερώνω

Όντες αγαπάς
ήντι͜αν θέλτς ευτάς
Ακούς την καρδία σ’,
καν’νάν ’κ’ ερωτάς

Γλωσσάρι

Κείμενο	Επεξήγηση	Ετυμ. Ρίζα
απάν’	πάνω
ας σην	απ’ την	ασό σην (από την)
ατα	αυτά
γιάνι	πλάι, πλευρό	yan
εγάπ’	αγάπη
εγάπη	αγάπη
εγκαλιόπο	αγκαλίτσα
έμορφον	όμορφο
εξέβες	βγήκες
ερωτάς	ρωτάς
ευτάς	κάνεις, φτιάχνεις	εὐθειάζω
ήντι͜αν	οτιδήποτε, ό,τι
θέλτς	θέλεις
’κ’	δεν	οὐκί<οὐχί
καν’νάν	κανέναν
κείσαι	κείτεσαι, ξαπλώνεις
’κι	δεν	οὐκί<οὐχί
κορτσόπον	κοριτσάκι
μερών’	μερώνει, ξημερώνει
όντες	όταν
πατείς	πατάς
πλερώνω	πληρώνω, εκπληρώνω
ρούζ’	πέφτει, ρίχνει, μτφ. αναλογεί
τερώ	κοιτώ
τσ̌ιτσ̌έκ’	λουλούδι	çiçek
φυλλόπα	φυλλαράκια
χορτάζω	χορταίνω
ψ̌η	ψυχή