Αργυρόπλεχτον

Προβολή Τραγουδιού

Καλλιτέχνες: Γιώργος Ατματσίδης, Θόδωρος Κοτίδης

Παίρω χρώμα ας σον ουρανόν
νήμα ’φτάγω ας σα λίβι͜α
Μύρον από τραντάφυλλον
και ας σ’ αχάντι͜α τ’ ραφίδι͜α

Ευτάγω, ρίζα μ’, για τ’ εσέν
μαξιλάρ’ ταντελένιον
Ας σ’ άστρα αργυρόπλεχτον
γεργάνιν μεταξένιον

Θέκ’ ατα απάν’ σο καρδόπο μ’
σην εγκάλι͜α μ’ να κείσαι
Με τη εγάπ’ς τα μυστικά
ολονυχτίς χουλείσαι

Ευτάγω, ρίζα μ’, για τ’ εσέν
μαξιλάρ’ ταντελένιον
Ας σ’ άστρα αργυρόπλεχτον
γεργάνιν μεταξένιον

Κι όντες κοιμάσαι, ωρι͜άζω σε -ν
ους να μερών’, αρνόπο μ’
Να μη αποτσ̌ιλι͜άεσαι
και ριγάς σ’ εγκαλιόπο μ’

Ευτάγω, ρίζα μ’, για τ’ εσέν
μαξιλάρ’ ταντελένιον
Ας σ’ άστρα αργυρόπλεχτον
γεργάνιν μεταξένιον

Γλωσσάρι

Κείμενο	Επεξήγηση	Ετυμ. Ρίζα
απάν’	πάνω
αποτσ̌ιλι͜άεσαι	ξεσκεπάζεσαι
αρνόπο	αρνάκι, χαϊδευτική προσφώνηση γυναίκας
ας σ’	(ας σου) από του, από τότε που/αφότου, (ας σο) από το/τα
ατα	αυτά
αχάντι͜α	αγκάθια	ἀκάνθιον, υποκορ. του ἄκανθα
γεργάνιν	πάπλωμα	yorgan
εγάπ’ς	αγάπης
εγκάλι͜α	αγκαλιά
εγκαλιόπο	αγκαλίτσα
ευτάγω	κάνω, φτιάχνω	εὐθειάζω
θέκ’	θέτω/ει, τοποθετώ/εί, βάζω/ει
καρδόπο	καρδούλα
κείσαι	κείτεσαι, ξαπλώνεις
λίβι͜α	σύννεφα	λίβος<λείβω
μερών’	μερώνει, ξημερώνει
όντες	όταν
ους	ως, μέχρι
παίρω	παίρνω
ραφίδι͜α	κλωστές, νήματα
ριγάς	κρυώνεις
ταντελένιον	δαντελένιο
τραντάφυλλον	τριαντάφυλλο
’φτάγω	(ευτάγω) κάνω, φτιάχνω	εὐθειάζω
χουλείσαι	ζεσταίνεσαι, θερμαίνεσαι
ωρι͜άζω	προσέχω, φυλάω, επιβλέπω

Σημειώσεις

Φωνητικά: Αγγελική Παμπουκίδου