Τη θάλασσας το νερόν

Προβολή Τραγουδιού

Καλλιτέχνες: Γιάννης Τσανασίδης, Γιώργος Στεφανίδης

Τη θάλασσας το νερόν
αλυκόν έν’, αλυκόν
Τη κουτσ̌ής το φίλεμαν
σον πεκιάρ’ έν’ γιατρικόν

Μάνα, η νύφε τ’ εμόν
ατέ θα φέρ’ -τ- σε νερόν
Σα ξύλα -ν- ατέ θα πάει
ήντι͜αν λες ατεν θ’ ευτάει

Τη τυφεκί’ μ’ το ταπάν
άμον το Καράκαπαν
Τη σέβντας ι-μ’ τ’ όνεμαν
γραμμένον έν’ εκειαπάν’
[Τρώγω το Θεό σ’, γιαβρί μ’]

Άσπρεσσα -ν- άμον το χι͜όν’,
κόκκινος άμον χρυσόν
Άγγελος θα ’ίνουμαι
θα παίρω την ψ̌ην τ’ εσόν
[Τρώγω το Θεό σ’, γιαβρί μ’]

Γλωσσάρι

Κείμενο	Επεξήγηση	Ετυμ. Ρίζα
αλυκόν	αλμυρό/ή
άμον	σαν, όπως, καθώς	ἅμα
άσπρεσσα	άσπρη
ατέ	αυτή
ατεν	αυτήν
γιαβρί	μωρό, μικρό, παιδί	yavru
εκειαπάν’	εκεί πάνω
εμόν	δικός/ή/ό μου	ἐμοῦ
έν’	είναι
εσόν	δικός/ή/ό σου
ευτάει	κάνει, φτιάχνει	εὐθειάζω
ήντι͜αν	οτιδήποτε, ό,τι
’ίνουμαι	γίνομαι
Καράκαπαν	ονομασία βουνού στην σημ. Τουρκία, στα ανατολικά όρια της Άνω Ματσούκας και με υψόμετρο 2,4 χλμ	Karakaban< kara (=μαύρο) + kaban (կաբան=κορυφή, απότομος λόφος)
κουτσ̌ής	κόρης
νύφε	νύφη
όνεμαν	όνομα
παίρω	παίρνω
πεκιάρ’	(γεν. αιτ. ενικ.) εργένη, (ονομ. πληθ.) εργένηδες	bekâr/bekār
σέβντας	(πληθ. τα) αγάπες, έρωτες	sevda/sevdā
ταπάν	βάση, το πίσω τμήμα (κοντάκι) τυφεκίου	taban
τυφεκί’	τουφεκιού	tüfek/tufeng
φέρ’	φέρνω/ει
φίλεμαν	φιλί
ψ̌ην	ψυχή