Αητέν είδα επέτανεν

Προβολή Τραγουδιού

Καλλιτέχνες: Μπάμπης Κεμανετζίδης, Στάθης Παυλίδης

Αητέν είδα επέτανεν,
θαρρείς άγγελος έτον!
Απάν’ ι-μ’ ’γυροκλώσκουτουν,
θάμαν είπα εγέντον

Επέτανεν σα χαμελά,
ένοιεν τα φτεράν ατ’
Θαρρείς πως εκαλάτσ̌ευεν,
ευρίγουμ’νε σουμά -ν- ατ’

Ορθάνοιχτα και έμορφα,
ολήμαυρα τ’ ομμάτι͜α τ’
Επέτανεν σα χαμελά,
εντάμαν και ση στράταν

Αρ’ είπα ’τον «κατήβα αφκά,
ας είμες εντάμαν»
Εκλώστεν γλυκοτέρεσεν
κι εχάθεν σα ουράνι͜α

Γλωσσάρι

Κείμενο	Επεξήγηση	Ετυμ. Ρίζα
απάν’	πάνω
αφκά	κάτω
γλυκοτέρεσεν	γλυκοκοίταξε
’γυροκλώσκουτουν	(εγυροκλώσκουτουν) κλωθογύριζε
εγέντον	έγινε
είμες	είμαστε
εκαλάτσ̌ευεν	μιλούσε	keleci=καλός λόγος (Παλαιά Τουρκική Ανατολίας)
εκλώστεν	γύρισε, επέστρεψε
έμορφα	όμορφα
ένοιεν	άνοιγε
εντάμαν	μαζί
επέτανεν	πετούσε
έτον	ήταν
ευρίγουμ’νε	βρισκόμουν
εχάθεν	χάθηκε
θάμαν	θαύμα
κατήβα	(προστ.) κατέβα
ολήμαυρα	ολόμαυρα
ομμάτι͜α	μάτια
σουμά	κοντά
’τον	αυτόν
χαμελά	χαμηλά