Ποντιακός Στίχος

Προβολή Τραγουδιού

Απέσ’ σην καρδι͜ά μ’ λίβα̤ είν’

ΧάλχατζηΧάλχατζη

Στιχουργοί: Μάκης Πετρίδης

Συνθέτες: Μάκης Πετρίδης

Καλλιτέχνες: Στέφανος Πετρίδης


Απέσ’ σην καρδι͜ά μ’ λίβα̤ είν’
κι απόθεν είν’ ’κ’ εξέρω
Φογούμαι είν’ ας ση σεβτάν
και πάντα υποφέρω

Για τ’ εσέν, πουλί μ’, καίγουμαι
απέσ’ ι-μ’ έχω βρούλαν
Τα δύο τα χ̌ερόπα σου
να ’τύλιζες σην γούλα μ’

Ας έξερα, μικρίτσικον,
ας έξερα μέρ’ είσαι
Ας έξερα και την οτάν
και το κρεβάτ’ ντο κείσαι

Άρρωστον θέλ’ αρρωστικά,
η κόρ’ θέλ’ εγκαλιόπον
Τον άρρωστον δος γιατρικά,
την κόρ’ παλληκαρόπον
Γλωσσάρι
ΚείμενοΕπεξήγησηΕτυμ. ΡίζαΠροέλευση
απέσ’μέσα
απόθεναπό που, από όπου
αρρωστικάεδέσματα σπάνια που ζητάει ασθενής ή που δίνονται σε αυτόν
βρούλανφλόγα brûler
γούλαλαιμός gula
δοςδώσε
εγκαλιόποναγκαλιά, αγκαλίτσα
είν’είναι (για πληθ.)
έξεραήξερα
’κ’δεν ουκί<οὐχί
καίγουμαικαίομαι
κείσαικείτεσαι, ξαπλώνεις
λίβα̤σύννεφα λίβος<λείβω
μέρ’(μέρου, επιρρ.) πού, προς ορισμένο μέρος, όποιος
μικρίτσικονμικρούλικο
οτάνδωμάτιο oda
παλληκαρόπονπαλληκαράκι
σεβτάναγάπη, έρωτα sevda/sevdā
’τύλιζες(ετύλιζες) τύλιγες
φογούμαιφοβάμαι
χ̌ερόπαχεράκια

Ποντιακός Στίχος - Pontian Lyrics 2024

Τραγούδια: 7813 | Albums/Singles: 1117 | Συντελεστές: 1525 | Λήμματα: 12584
Επικοινωνία: infoDUMMY@pontianlyrics.gr