Ερρούξα σ’ έναν κουτσ̌ήν

Λάσκουμαι σα μαχαλάδες,
αραεύω τοι νυφάδες
Τ’ έμορφα τα ζηλεμένα
σην σειράν τ’ ευλοημένα

Ερρούξα σ’ έναν κουτσ̌ήν
άμον καρυδί’ καντζίν
Τα μάγ’λα τ’ς είναι κόκκινα,
το φίλεμαν ατ’ς γλυκύν

Η σεβτά εσάρεψεν
το καρδόπο μ’ έκαψεν
Μαναχόν, εσύ πουλί μ’,
γαληνεύ’ς τ’ εμόν την ψ̌ην

Ερρούξα σ’ έναν κουτσ̌ήν
άμον καρυδί’ καντζίν
Τα μάγ’λα τ’ς είναι κόκκινα,
το φίλεμαν ατ’ς γλυκύν

Λελεύω σε, νε κορτσόπον,
έλα απέσ’ σ’ εγκαλιόπο μ’
Ιλεύω και τσουρμουλίζω
όλιον την νύχταν κοιμίζω

Ερρούξα σ’ έναν κουτσ̌ήν
άμον καρυδί’ καντζίν
Τα μάγ’λα τ’ς είναι κόκκινα,
το φίλεμαν ατ’ς γλυκύν