Προβολή Τραγουδιού
Έλα τρυγόνα μ’ με τ’ εμέν |
Καρδίας ανοιγάρ’Στιχουργοί: Σωκράτης Κυψελίδης
Συνθέτες: Παραδοσιακό
Καλλιτέχνες: Κώστας Σιαμίδης, Σωκράτης Κυψελίδης
Έλα, τρυγόνα μ’, μετ’ εμέν να πάμε σ’ ερημίας Μανάχον ο Θεόν να ελέπ’ ντ’ ευτάμε μασχαρείας Έλα τ’ αρνί μ’ τ’ εμόν-ι, ήλιος σο χ̌ειμωγκόν-ι Έλα του παρχαρί’ τσ̌ιτσ̌άκ’, πηγής κρύον νερόν-ι Έλα, τρυγόνα μ’, μετ’ εμέν να πάμε σο παρχάρι Κοιμούμαι κι αναπάουμαι σου σπαρελί’ σ’ τ’ αστάρι Έλα τ’ αρνί μ’ τ’ εμόν-ι, ήλιος σο χ̌ειμωγκόν-ι Έλα του παρχαρί’ τσ̌ιτσ̌άκ’, πηγής κρύον νερόν-ι Έλα, τρυγόνα μ’, μετ’ εμέν σου παρχαρί’ τ’ εβόρας Έλα ας πάμε κρύφκουμες ας σ’ ομμάτι͜α τη χώρας Έλα τ’ αρνί μ’ τ’ εμόν-ι, ήλιος σο χ̌ειμωγκόν-ι Έλα του παρχαρί’ τσ̌ιτσ̌άκ’, πηγής κρύον νερόν-ι Έλα, τρυγόνα μ’, μετ’ εμέν πάμε ση γης την άκραν Σ̌κίζομε ορμάνι͜α και ραχ̌ιά, θάλασσας, ποταμάκρι͜α Έλα τ’ αρνί μ’ τ’ εμόν-ι, ήλιος σο χ̌ειμωγκόν-ι Έλα του παρχαρί’ τσ̌ιτσ̌άκ’, πηγής κρύον νερόν-ι
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| άκραν | άκρη | ||
| αναπάουμαι | αναπαύομαι, ξεκουράζομαι | ||
| ας σ’ | (ας σου) από του, από τότε που/αφότου, (ας σο) από το/τα | ||
| αστάρι | φόδρα | astar/āster | |
| εβόρας | σκιές, δροσερά μέρη | ||
| ελέπ’ | βλέπει/βλέπω | ||
| εμόν | δικός/ή/ό μου | ἐμοῦ | |
| ερημίας | ερημιές | ||
| ευτάμε | κάνουμε, φτιάχνουμε | εὐθειάζω | |
| κοιμούμαι | κοιμάμαι | ||
| κρύφκουμες | κρυβόμαστε | ||
| μανάχον | (ο) μοναχός, (επίρρ.) μόνο/μοναχά | ||
| μασχαρείας | αστεία, αστεϊσμοί | maskara/masḫara | |
| μετ’ | μαζί με (με αιτιατική), με (τρόπος) | ||
| ομμάτι͜α | μάτια | ||
| ορμάνι͜α | δάση | orman | |
| παρχαρί’ | θερινού βοσκότοπου (παρχαριού) | ||
| ποταμάκρι͜α | όχθες ποταμών | ||
| σπαρελί’ | σπαρελιού (βλ.σπαρέλιν) | spalliera | |
| τρυγόνα | το πουλί τρυγόνι, χαϊδευτική προσφώνηση γυναίκας | ||
| τσ̌ιτσ̌άκ’ | λουλούδι | çiçek | |
| χ̌ειμωγκόν | (ονομ.) χειμώνας, (γεν.) χειμώνα | ||
| χώρας | ξένος/η/ο/οι γενικά, οι/το/τα μη οικείο/α, ξενιτειάς |
