Προβολή Τραγουδιού
Καλομάνα |
ΚαλομάναΣτιχουργοί: Βασίλης Μωυσιάδης
Συνθέτες: Μπάμπης Κεμανετζίδης
Καλλιτέχνες: Μελίνα Χατζηκαμάνου, Μπάμπης Κεμανετζίδης
Καλομάνα, καλομάνα χ̌ίλια ευχαριστώ που ετράνυνες σον κόσμον εμέν τ’ ορφανόν Σον παράδεισον να είσαι, εσύ, άγιον ψ̌ην! Ν’ αναπάεται το ψ̌όπο σ’ κι ησυχάζ’ η ψ̌η μ’ Εγώ μανίτσαν ’κ’ εγνώρτσα έφυεν νωρίς, Και -ν- εσέν εγνώρτσα μάνα Χούλεμαν ζωής! Σον παράδεισον να είσαι, εσύ, άγιον ψ̌ην! Ν’ αναπάεται το ψ̌όπο σ’ κι ησυχάζ’ η ψ̌η μ’ Για τ’ εμέν έσ’νε μανίτσα, συ, δύο φοράς Τερμάν’ κι εγάπ’ επέρα και χ̌ίλια ευχάς Σον παράδεισον να είσαι, εσύ, άγιον ψ̌ην! Ν’ αναπάεται το ψ̌όπο σ’ κι ησυχάζ’ η ψ̌η μ’ Κλίσκουμαι φιλώ τα χ̌έρι͜α σ’ τ’ άγια, τα χρυσά! Τα μαλλία σ’ ένταν άσπρα ας σα βάσανα Σον παράδεισον να είσαι, εσύ, άγιον ψ̌ην! Ν’ αναπάεται το ψ̌όπο σ’ κι ησυχάζ’ η ψ̌η μ’
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αναπάεται | αναπαύεται, ξεκουράζεται | ||
| εγάπ’ | αγάπη | ||
| εγνώρτσα | γνώρισα | ||
| ένταν | έγιναν | ||
| επέρα | πήρα | ||
| έσ’νε | ήσουν | ||
| ετράνυνες | μεγάλωσες, ανατράφηκες | τρανόω-ῶ | |
| ευχάς | ευχές | ||
| έφυεν | έφυγε | ||
| ’κ’ | δεν | οὐκί<οὐχί | |
| καλομάνα | γιαγιά | ||
| κλίσκουμαι | σκύβω, κλίνω | ||
| τερμάν’ | θεραπεία, γιατρικό, μτφ. δύναμη, ψυχική αντοχή, ενέργεια, μτφ. παρηγοριά | derman/darmān | |
| φοράς | φορές | ||
| χούλεμαν | ζέσταμα, θέρμανση | ||
| ψ̌η | ψυχή | ||
| ψ̌ην | ψυχή | ||
| ψ̌όπο | ψυχούλα |
