Προβολή Τραγουδιού
Είσαι το γλυκοχάραμα μ’ |
Είσαι το γλυκοχάραμα μ’Στιχουργοί: Νίκος Σωτηριάδης
Συνθέτες: Μπάμπης Κεμανετζίδης
Καλλιτέχνες: Λάζος Σαλονικίδης, Μπάμπης Κεμανετζίδης
Τη καρδι͜άς ι-μ’ τρι͜αντάφυλλον και άστρον τη σεβτι͜άς ι-μ’ Την ψ̌ην και την ανάσμαν δί’ς ση ζήση μ’ και σην πλάση μ’ Είσαι το γλυκοχάραμα μ’, αρνί μ’, κάθαν ημέραν Νερόν ση σεβτι͜άς το τσ̌ιτσ̌άκ’ και σα ταμάρι͜α μ’ αίμαν Η εγάπη μ’ για τ’ εσέν δι͜αβαίν’ τ’ ουρανού το κομμάτι Εφτάν’ όθεν ’κ’ εφτάν’ ο νους και τ’ ανθρωπί’ τ’ ομμάτι Είσαι το γλυκοχάραμα μ’, αρνί μ’, κάθαν ημέραν Νερόν ση σεβτι͜άς το τσ̌ιτσ̌άκ’ και σα ταμάρι͜α μ’ αίμαν Εγώ πα άμον τον ουρανόν π’ αγκαλι͜άζ’ όλι͜α τ’ άστρα Χ̌αίρουμαι π’ αγκαλιάσκουμαι, αρνί μ’, τα ψ̌ήα σ’ τ’ άσπρα Είσαι το γλυκοχάραμα μ’, αρνί μ’, κάθαν ημέραν Νερόν ση σεβτι͜άς το τσ̌ιτσ̌άκ’ και σα ταμάρι͜α μ’ αίμαν
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αγκαλιάσκουμαι | αγκαλιάζω, εναγκαλίζομαι | ||
| άμον | σαν, όπως, καθώς | ἅμα | |
| ανάσμαν | ανάσα, αναπνοή | ||
| ανθρωπί’ | ανθρώπου | ||
| δι͜αβαίν’ | (για τόπο) περνάει/ώ, διασχίζει/ω, (για χρόνο) περνάει/ώ | διαβαίνω | |
| δί’ς | δίνεις | ||
| εγάπη | αγάπη | ||
| εφτάν’ | φτάνει | ||
| ζήση | η ζωή, ο τρόπος ζωής, ο βίος του ανθρώπου | ||
| ’κ’ | δεν | οὐκί<οὐχί | |
| κάθαν | κάθε | ||
| όθεν | όπου, οπουδήποτε, σε όποιον | ||
| ομμάτι | μάτι | ὀμμάτιον | |
| πα | πάλι, επίσης, ακόμα | ||
| σεβτι͜άς | αγάπης, έρωτα | sevda/sevdā | |
| ταμάρι͜α | φλέβες | damar | |
| τσ̌ιτσ̌άκ’ | λουλούδι | çiçek | |
| χ̌αίρουμαι | χαίρομαι | ||
| ψ̌ήα | ψυχές, η περιοχή του στέρνου, τα εσώψυχα | ||
| ψ̌ην | ψυχή |
