Αρνί μ’, απάν’ σο ταφόπο μ’

Προβολή Τραγουδιού

Καλλιτέχνες: Κώστας Καραπαναγιωτίδης, Παύλος Τορνικίδης

Αν αποθάνω, αρνόπο μ’,
σην αυλι͜ά σ’ εμέν θάψον
Το βράδον όντες σκοτεινεύ’
έλα, τη λάμπα μ’ άψον

Αρνί μ’, απάν’ σο ταφόπο μ’
φύτεψον τσ̌ιτσ̌εκόπα
Να έρχ̌εσαι ποτί͜εις ατα
με τ’ εσά τα δα̤κρόπα

Αρνί μ’, απάν’ σο ταφόπο μ’
χτίσον έναν οτόπον
Χτίσον ατο ’λίγον τρανόν
να έ͜εις κι εσύ πα τόπον

Αν αποθάνω σο ταφί μ’
έλα το χρόνον μίαν
Έναν κερόπον άψον με,
ποίσον με συντροφίαν

Γλωσσάρι

Κείμενο	Επεξήγηση	Ετυμ. Ρίζα
απάν’	πάνω
αποθάνω	πεθαίνω
αρνόπο	αρνάκι, χαϊδευτική προσφώνηση γυναίκας
ατα	αυτά
αυλι͜ά	αυλή
άψον	(προστ.) άναψε
βράδον	βράδυ
δα̤κρόπα	(υποκορ.) δάκρυα
έ͜εις	έχεις
εσά	δικά σου/σας
θάψον	(προστ.) θάψε
κερόπον	κεράκι
μίαν	μια φορά
όντες	όταν
οτόπον	δωματιάκι	oda + -όπον
πα	πάλι, επίσης, ακόμα
ποίσον	(προστ.) κάνε, φτιάξε	ποιέω, ποιῶ
ποτί͜εις	ποτίζεις, δίνεις σε κπ να πιει
σκοτεινεύ’	σκοτεινιάζει
συντροφίαν	συντροφιά, παρέα
ταφί	τάφο
ταφόπο	(υποκορ.) τάφος
τσ̌ιτσ̌εκόπα	λουλουδάκια	çiçek
φύτεψον	(προστ.) φύτεψε
χτίσον	(προστ.) χτίσε, φτιάξε