Ηλιοφωταγμένον

Προβολή Τραγουδιού

Καλλιτέχνες: Γιώργος Ατματσίδης, Στάθης Νικολαΐδης

Πουλί μ’, εμορφοστόλιστον
και ηλιοφωταγμένον
Ας σην εγάπ’ αγιάτρευτον
και πάντα χαρεμένον

Έι! σεβτά, όθεν κέσ’ πας
εσύ καν’νάν ’κ’ ερωτάς
Δύο καρδόπα μαεύ’ς,
παίρτς ατα κι έναν ευτάς

Εσέν περ’μέν’ η άνοιξη
και στέκ’ σο παραθύρι σ’
Τ’ άνθι͜α σερεύ’ και σκουντουλίζ’,
πουλί μ’, για το χατίρι σ’

Έι! σεβτά, όθεν κέσ’ πας
εσύ καν’νάν ’κ’ ερωτάς
Δύο καρδόπα μαεύ’ς,
παίρτς ατα κι έναν ευτάς

Εσύ τη Θεού δώρημαν
και τη αγγέλ’ λαλίαν
Για τ’ εσέν καλοτραγωδούν
τ’ ουρανού τα πουλία

Έι! σεβτά, όθεν κέσ’ πας
εσύ καν’νάν ’κ’ ερωτάς
Δύο καρδόπα μαεύ’ς,
παίρτς ατα κι έναν ευτάς

Γλωσσάρι

Κείμενο	Επεξήγηση	Ετυμ. Ρίζα
αγγέλ’	(ονομ. πληθ.) άγγελοι, (γεν.) αγγέλου
άνθι͜α	άνθη
ατα	αυτά
εγάπ’	αγάπη
ερωτάς	ρωτάς
ευτάς	κάνεις, φτιάχνεις	εὐθειάζω
’κ’	δεν	οὐκί<οὐχί
καν’νάν	κανέναν
καρδόπα	καρδούλες
κέσ’	εκεί μέσα, προς τα εκεί	κέσου<κεῖσ’<κεῖσε<ἐκεῖσε
λαλίαν	λαλιά, φωνή
μαεύ’ς	μαγεύεις
όθεν	όπου, οπουδήποτε, σε όποιον
παίρτς	παίρνεις
περ’μέν’	περιμένει
σεβτά	αγάπη, έρωτας	sevda/sevdā
σερεύ’	μαζεύει, συγκεντρώνει	σωρεύω
σκουντουλίζ’	ευωδιάζει, μοσχοβολάει
χαρεμένον	χαρούμενο
χατίρι	χάρη, σεβασμός, υπόληψη	hatır/ḫāṭir