Προβολή Τραγουδιού
Η μάνα έν’ Θεός |
Η μάναΣτιχουργοί: Πόλυς Παυλίδης
Συνθέτες: Πόλυς Παυλίδης
Καλλιτέχνες: Γιώργος Σιδηρόπουλος, Πόλυς Παυλίδης
Λόγια ’κι θα ευρίουνταν τη μάναν να υμνούνε Όσοι είν’ μανάδες μαναχόν τη μάναν εγροικούνε Η μάνα έν’ Θεός, η μάνα Παναΐα Άμον τη μάνας την εγάπ’ ’κ’ ευρίεται αλλομίαν Η μάνα προτού να γεννά πονεί για το παιδίν ατ’ς Και ους να φέρ’ α̤’ ση ζωήν πολεμά με την ψ̌ην ατ’ς Η μάνα έν’ Θεός, η μάνα Παναΐα Άμον τη μάνας την εγάπ’ ’κ’ ευρίεται αλλομίαν Φαΐ σο νουν ατ’ς ξάι ’κι κρούει νέ διψά, νέ νυστάζει Αν το παιδίν ατ’ς κάτ’ παθάν’ το αίμαν ατ’ς λειφτάζει Η μάνα έν’ Θεός, η μάνα Παναΐα Άμον τη μάνας την εγάπ’ ’κ’ ευρίεται αλλομίαν Τη παιδί’ το χαμόγελον έν’ η χαρά τη μάνας Ρούζ’ απέσ’ σον παράδεισον όντες γομούται απάν’ ατ’ς Η μάνα έν’ Θεός, η μάνα Παναΐα Άμον τη μάνας την εγάπ’ ’κ’ ευρίεται αλλομίαν
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| α̤’ | (α̤τό) αυτό, το | ||
| αλλομίαν | άλλη μια φορά | ||
| άμον | σαν, όπως, καθώς | ἅμα | |
| απάν’ | πάνω | ||
| απέσ’ | μέσα | ||
| ατ’ς | αυτής, της | ||
| γομούται | γεμίζει, βουρκώνει, κομπιάζει | ||
| εγάπ’ | αγάπη | ||
| εγροικούνε | καταλαβαίνουν | ||
| είν’ | (για πληθ.) είναι | ||
| έν’ | είναι | ||
| ευρίεται | βρίσκεται | ||
| ευρίουνταν | βρίσκονται | ||
| ’κ’ | δεν | οὐκί<οὐχί | |
| ’κι | δεν | οὐκί<οὐχί | |
| κρούει | χτυπάει | κρούω | |
| λειφτάζει | ελλείπει, λιγοστεύει, ελαττώνεται | ||
| μαναχόν | (έναρθρο) μοναχός, μοναχό, (επίρρ) μόνο/μοναχά | ||
| νέ | ούτε | ne | |
| ξάι | καθόλου | ||
| όντες | όταν | ||
| ους | ως, μέχρι | ||
| παθάν’ | παθαίνει | ||
| παιδί’ | παιδιού | ||
| ρούζ’ | πέφτει, ρίχνει | ||
| φέρ’ | φέρνω/ει | ||
| ψ̌ην | ψυχή |
