Τρώει ο λύκον

Προβολή Τραγουδιού

Καλλιτέχνες: Μίμης Τσακαλίδης, Παναγιώτης Ασλανίδης

Κρωμέτες, σ̌κύλ υιός είμαι
αγαπώ τα τσ̌ουντζούνας
Αγαπώ και τα κορτσόπα
ντο φορούν τα ζουπούνας

Τρώει ο λύκον, τρώει ο λύκον
τη Σαντέτ’σσας το μικρίκον
Ατό έτον πολλά έμορφον
και πολλά ατσ̌αΐπ’κον

Εγώ Κρωμετοπούλ’ είμαι
πρέπ’ να παρακαλείς με
Ας σα δύο τα κορτσόπα
την έμορφον να δί’ς με

Τρώει ο λύκον, τρώει ο λύκον
τη Σαντέτ’σσας το μικρίκον
Ατό έτον πολλά έμορφον
και πολλά ατσ̌αΐπ’κον

Κρωμέτες, σ̌κύλ’ υιός είμαι
ματώνω ’κι ματούμαι
Ση Παναΐαν Σουμελά
θα πάω στεφανούμαι

Τρώει ο λύκον, τρώει ο λύκον
τη Σαντέτ’σσας το μικρίκον
Αρ’ ατό έτον πολλά έμορφον
και πολλά ατσ̌αΐπ’κον

Γλωσσάρι

Κείμενο	Επεξήγηση	Ετυμ. Ρίζα
ατσ̌αΐπ’κον	περίεργο, εκκεντρικό, προκλητικό	acayip/ʿacāʾib
δί’ς	δίνεις
έμορφον	όμορφο
έτον	ήταν
ζουπούνας	γυναικείες φορεσιές της εποχής	ζιπούνι(ν)<zipon (βενετ.)
’κι	δεν	οὐκί<οὐχί
κορτσόπα	κοριτσάκια
ματούμαι	ματώνομαι
μικρίκον	μικρούλης/α/ικο
πολλά	(επίθ.) πολλά, (επίρρ.) πολύ
σ̌κύλ’	(γεν.) σκύλου
στεφανούμαι	στεφανώνομαι