Εχπάστα και σην ξενιτειάν

Προβολή Τραγουδιού

Καλλιτέχνες: Γιάννης Μωυσίδης, Παναγιώτης Ασλανίδης

[Βάι! Κι] Εχπάστα, αρνί μ’, σην ξενιτειάν
η τσάντα μ’ ζινιχ̌ένεν
[έλα -ν- έλα -ι]
[Βάι! Και] Χ̌ιλέμορφον να δίν’νε με
ο νους ι-μ’ ξαν σ’ εσέν έν’
[έλα -ν- έλα -ι]

[Βάι! Και] Η νισ̌αλή μ’ εμέντσε με
«αν ’κ’ έρχ̌εσαι θ’ αντρίζω»
[έλα -ν- έλα -ι]
[Βάι!] Κι άλλον καλλίον αν αντρί͜εις
εγώ πα γυναικίζω
[έλα -ν- έλα -ι]

[Και -ν-] Ανάθεμά σε, σ̌κύλ’ κουτάβ’
εσέν και την εγάπη σ’
[έλα -ν- έλα -ι]
[Βάι!] Την κουκούλα μ’ ενέσπαλα
αφκά σο καραβάτι σ’
[έλα -ν- έλα -ι/καραβάτι σ’]

Γλωσσάρι

Κείμενο	Επεξήγηση	Ετυμ. Ρίζα
αντρί͜εις	αντρίζεις, βρίσκεις άντρα, παντρεύεις την κόρη σου
αντρίζω	βρίσκω άντρα, παντρεύω/ομαι
αφκά	κάτω
γυναικίζω	βρίσκω γυναίκα, νυμφεύομαι
δίν’νε	δίνουν
εγάπη	αγάπη
εμέντσε	μήνυσε, διαμήνυσε, παρήγγειλε
έν’	είναι
ενέσπαλα	ξέχασα
εχπάστα	αναχώρησα, κίνησα για
ζινιχ̌ένεν	διακοσμημένο/η, που είναι γεμάτο στολίδια	ziynet/zīnet
’κ’	δεν	οὐκί<οὐχί
καλλίον	(επίθ.) καλύτερο, (επίρ.) καλύτερα
καραβάτι	κρεβάτι	κράβατος / κράββατος
νισ̌αλή	αρραβωνιαστικιά, σημαδεμένη	nişanlı<nişān
ξαν	πάλι, ξανά
πα	πάλι, επίσης, ακόμα
σ̌κύλ’	(γεν.) σκύλου
χ̌ιλέμορφον	χιλιόμορφο/η