Προβολή Τραγουδιού
Άλλο ’κι καλατσ̌εύω σε |
Χορόντας και τραγωδίαςΣτιχουργοί: Γιώργος Αμαραντίδης
Συνθέτες: Γιώργος Αμαραντίδης
Καλλιτέχνες: Γιάννης Αραματανίδης, Γιώργος Αμαραντίδης
Άλλο ’κι καλατσ̌εύω σε, άλλο μη καλατσ̌εύ’ς με! Άλλο σ’ οσπίτι σ’ ’κ’ έρχουμαι άλλο μη γιανασ̌εύ’ς με Σο μουχαπέτι μ’ τραγωδώ σην εκκλησίαν ψάλλω κι εσέναν την πεντάμορφον ξάι ας σο νου μ’ ’κ’ εβγάλλω Ανάθεμα σε ανόμοτον που ’κ’ εγνωρί͜εις το νόμον Γιλεύω κάτ’ να λέγω σε γομώντς ατο τον κόσμον¹ Μικρόν είσαι μικρίτικον, μικρόν τσ̌οβαχίροπον Ο ύπνον ’κι χορτάεται και σ’ εσόν τ’ εγκαλιόπον Κι αρ’ έναν ματοζίνιχον σην γούλα σ’ θα κρεμάνω Φογούμαι γιάμ’ ’ματι͜άζ’νε σε κι εγώ εσέν θα χάνω Όλιον τον δρόμον έρχουμαι πουδέν πα ’κι αχτρατίζω Σ’ οσπιτόπο σ’ απ’ οξ̌ωκά λιγοθυμώ και ρούζω Πουλί μ’, ’κι φανερών’ ατο το πόσον αγαπώ σε κι όντες αντιδι͜αβαίντς και πας κρυφά-κρυφά τερώ σε Και -ν- ο Γιάννες Αραματάντς/Αραματάς, πουλί μ’, να ποδεδί͜ει σε Έλα ’μπα σ’ εγκαλιόπον ατ’ τη σεβτι͜άν να μαθί͜ει σε Πουλί μ’, τ’ ομμάτι͜α σ’ τ’ έμορφα εγώ πολλά λιγούμαι² Βάι! Θέλω να φιλώ ατα κι ας σον Θεόν φοούμαι
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| ανόμοτον | αυτό που δεν υπακούει στο νόμο, άνομο | ||
| αντιδι͜αβαίντς | αντιπερνάς, περνάς συχνά από κάποιο μέρος, ξαναπερνάς | ||
| ας σο | απ’ το | ασό σο (από το) | |
| ας σον | απ’ τον | ασό σον (από τον) | |
| ατα | αυτά | ||
| αχτρατίζω | ξεστρατίζω, λοξοδρομώ | ||
| γιάμ’ | μήπως, ή μη | ya/yā + μη | |
| γιανασ̌εύ’ς | πλησιάζεις, πλευρίζεις | yanaşmak | |
| γιλεύω | φοβάμαι, διστάζω | yılmak | |
| γομώντς | γεμίζεις | ||
| γούλα | λαιμός | gula | |
| εβγάλλω | βγάζω | ||
| εγκαλιόπον | αγκαλιά, αγκαλίτσα | ||
| εγνωρί͜εις | γνωρίζεις | ||
| έμορφα | όμορφα | ||
| έρχουμαι | έρχομαι | ||
| εσόν | δικός/ή/ό σου | ||
| ’κ’ | δεν | οὐκί<οὐχί | |
| καλατσ̌εύ’ς | μιλάς, συνομιλείς, συζητάς | keleci=καλός λόγος (Παλαιά Τουρκική Ανατολίας) | |
| καλατσ̌εύω | μιλάω, συνομιλώ, συζητώ | keleci=καλός λόγος (Παλαιά Τουρκική Ανατολίας) | |
| ’κι | δεν | οὐκί<οὐχί | |
| λιγοθυμώ | λιποθυμάω | ||
| λιγούμαι | επιθυμώ κτ σφοδρά, χάνω τις αισθήσεις μου, λιποθυμώ | ||
| μαθί͜ει | μαθαίνει κτ σε κπ, διδάσκει | ||
| ’ματι͜άζ’νε | (ομματι͜άζ’νε) ματιάζουν | ||
| ματοζίνιχον | φυλαχτό μάτι | ||
| μικρίτικον | μικρούλικο/α | ||
| μουχαπέτι | κουβέντα, φιλική συνομιλία, συνεκδ. φιλική συνεστίαση (συνήθως μετά μουσικής) | muhabbet/maḥabbet | |
| ’μπα | (έμπα) μπες | ||
| ξάι | καθόλου | ||
| όλιον | όλο, ολόκληρο | ||
| ομμάτι͜α | μάτια | ||
| όντες | όταν | ||
| οξ̌ωκά | έξω | ||
| οσπίτι | σπίτι | hospitium<hospes | |
| οσπιτόπο | σπιτάκι | hospitium<hospes + -όπον | |
| πα | πάλι, επίσης, ακόμα | ||
| πεντάμορφον | πεντάμορφη/ο | ||
| ποδεδί͜ει | (ενεργ. και μέση) χαίρεται, απολαμβάνει, προσκυνάει | από+δέδιν (<δείδω=φοβάμαι, ανησυχώ) | |
| πολλά | (επίθ.) πολλά, (επίρρ.) πολύ | ||
| πουδέν | πουθενά | ||
| ρούζω | πέφτω, ρίπτω | ||
| σεβτι͜άν | έρωτα, αγάπη | sevda/sevdā | |
| τερώ | κοιτώ | ||
| τραγωδώ | τραγουδάω | ||
| τσ̌οβαχίροπον | πολύτιμο πετραδάκι, διαμαντάκι | cevahir/cevāhir | |
| φογούμαι | φοβάμαι | ||
| φοούμαι | φοβάμαι | ||
| χορτάεται | χορταίνεται |
¹ (έκφ.) γομώντς ατο τον κόσμον: το κάνεις βούκινο, το λες σε όλο τον κόσμο ² Ακούγεται να λέει πιθ. εκ παραδρομής «λυπούμαι»
