Προβολή Τραγουδιού
Ομμάτι͜α δα̤κρωμένα |
Αυλών Έμ-πνευσιςΣτιχουργοί: Παρασκευή Κεντεποζίδου
Συνθέτες: Μιχάλης Τσανασίδης
Καλλιτέχνες: Άκης Σιαμίδης, Μιχάλης Τσανασίδης
Χάρε, γιατί κλαινί͜εις την ψ̌η μ’; Εσύ πα ’κ’ έ͜εις καρδίαν! Σο χ̌έρ’ κρατείς την κερεντήν ’κι αφήντς ατεν¹ καμίαν Χάρε, τ’ αρνί μ’ εκράτεσες μακρά -ν- ας σην εγκάλια μ’ Άμον καρακωμένο οσπίτ’ ντ’ εχάθαν τ’ ανοιγάρι͜α τ’ Χάρε, επέμ’να μαναχός Έλα, έπαρ’ κι εμένα ’Κ’ επορώ άλλο αέτσ’ να ζω μ’ ομμάτι͜α δακρωμένα Σον ουρανόν ψηλά τερώ, τον φέγγον αραεύω Σο φως ατ’ μόνον επορώ τ’ ομμάτι͜α τ’ς να ελέπω
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αέτσ’ | έτσι | ||
| άμον | σαν, όπως, καθώς | ἅμα | |
| ανοιγάρι͜α | κλειδιά | ||
| αραεύω | ψάχνω, αναζητώ, γυρεύω | aramak | |
| ατεν | αυτήν | ||
| αφήντς | αφήνεις | ||
| δακρωμένα | δακρυσμένα | ||
| έ͜εις | έχεις | ||
| εγκάλια | αγκαλιά | ||
| εκράτεσες | κράτησες, μτφ. άντεξες | ||
| ελέπω | βλέπω | ||
| έπαρ’ | (προστ.) πάρε | ||
| επέμ’να | απόμεινα | ||
| επορώ | μπορώ | ||
| εχάθαν | χάθηκαν | ||
| ’κ’ | δεν | οὐκί<οὐχί | |
| καμίαν | ποτέ | ||
| κερεντήν | κόσσα, μακρυδρέπανο, γεωργικό εργαλείο με το οποίο θερίζεται το τριφύλλι ή άλλο χόρτο, είδος δρεπανιού | գերանդի (gerandi) | |
| ’κι | δεν | οὐκί<οὐχί | |
| κλαινί͜εις | κάνεις κάποιον να κλάψει, στενοχωρείς | ||
| κρατείς | κρατάς | ||
| μακρά | (επιρρ.) μακριά, (επιθ.) μακρινά, απομακρυσμένα | ||
| μαναχός | μοναχός, μόνος | ||
| ομμάτι͜α | μάτια | ||
| οσπίτ’ | σπίτι | hospitium<hospes | |
| πα | πάλι, επίσης, ακόμα | ||
| τερώ | κοιτώ | ||
| φέγγον | φεγγάρι | ||
| χ̌έρ’ | χέρι | ||
| ψ̌η | ψυχή |
¹ Ορθή χρήση το «ατο». (ουδετεροποίηση του «άψυχου» θηλυκού ουσιαστικού)
