Άνεργος

Προβολή Τραγουδιού

Καλλιτέχνες: Γιώργος Ατματσίδης, Στάθης Νικολαΐδης

Άνεργος, μάνα, λάσκουμαι
πουθέν ’κ’ έν’ να δουλεύω
Χωρίς ψωμίν και λώματα
τερώ τ’ άλλτς και ζελεύω

Ντό κακόν έν’, νε μανίτσα μ’,
ντό τρανόν κακόν;
Άλλος έχ̌’ τρία δουλείας
κι άλλος ’κ’ έχ̌’ να ’φτάει ’μερ’κόν

Θέλω να ευτάω έναν καλύβ’
εγώ πα να παντρεύω
Γιάμ’ ’κ’ είμαι, μάνα μ’, άξιος
παρά να γαζανεύω

Ντό κακόν έν’, νε μανίτσα μ’,
ντό τρανόν κακόν;
Άλλος έχ̌’ τρία δουλείας
κι άλλος ’κ’ έχ̌’ να ’φτάει ’μερ’κόν

Άνεργος, μάνα, λάσκουμαι
σο χ̌έρ’ ’κ’ έχω δεκάρα
Τα χ̌είλια μ’ ξάι ’κ’ εγέλασαν,
τ’ ομμάτι͜α μ’ ξάι ’κ’ εχάραν

Ντό κακόν έν’, νε μανίτσα μ’,
ντό τρανόν κακόν;
Άλλος έχ̌’ τρία δουλείας
κι άλλος ’κ’ έχ̌’ να ’φτάει ’μερ’κόν

Γλωσσάρι

Κείμενο	Επεξήγηση	Ετυμ. Ρίζα
άλλτς	άλλους
γαζανεύω	κερδίζω, αποκτώ πλούτο	kazanmak
γιάμ’	μήπως, ή μη	ya/yā + μη
δουλείας	(ονομ. πληθ.) δουλειές, (γεν. ενικ.) δουλειάς
έν’	είναι
ευτάω	κάνω, φτιάχνω	εὐθειάζω
έχ̌’	έχει
εχάραν	χάρηκαν
ζελεύω	ζηλεύω
’κ’	δεν	οὐκί<οὐχί
λάσκουμαι	περιφέρομαι, τριγυρίζω, περιπλανώμαι	ἀλάομαι/ηλάσκω
λώματα	ρούχα	λῶμα/λωμάτιον
’μερ’κόν	(ημερ’κόν) μεροκάματο
ξάι	καθόλου
ομμάτι͜α	μάτια
πα	πάλι, επίσης, ακόμα
παντρεύω	παντρεύομαι, δίνω την/ον κόρη/γιο μου για παντρειά
παρά	λεφτά, το χρήμα	para/pāre
πουθέν	πουθενά
τερώ	κοιτώ
’φτάει	(ευτάει) κάνει, φτιάχνει	εὐθειάζω
χ̌έρ’	χέρι