Μετρώ

Προβολή Τραγουδιού

Καλλιτέχνες: Γιώργος Ατματσίδης, Χάρρυ Κλυνν

Μετρώ, μετρώ και ξαν μετρώ
μετρό πουδέν ’κ’ ελέπω
Άλλ’ τρών’ παράν και πρέσκουνταν
κι εγώ τερώ και στέκω

Η Ελλάδα έντον έναν
με τη Τρίχας το γεφύρ’
Αηλί ντ’ έσυρεν ο κόσμον
και ακόμαν ντο θα σύρ’

Σα Σπάτα τ’ αερόπλανα
ατσ̌ά πότε θα πάμε
Εδέβαν ξαν τα εκλογάς
κι ατείν’ τιδέν ’κι ’φτάνε

Η Ελλάδα έντον έναν
με τη Τρίχας το γεφύρ’
Αηλί ντ’ έσυρεν ο κόσμον
και ακόμαν ντο θα σύρ’

Άτσ̌απα κι ας σον Αχελώον
νερόν πότε θα φέρ’νε
Η Αθήνα ξαν πώς θα διψά
κι οι ανθρώπ’ πώς θα υποφέρ’νε

Η Ελλάδα έντον έναν
με τη Τρίχας το γεφύρ’
Αηλί ντ’ έσυρεν ο κόσμον
και ακόμαν ντο θα σύρ’

Γλωσσάρι

Κείμενο	Επεξήγηση	Ετυμ. Ρίζα
αηλί	αλίμονο	ἀ- + μεσαιωνική ελληνική ἠλί < εβραϊκά אל (θεός)
ανθρώπ’	άνθρωποι
ατείν’	αυτοί
ατσ̌ά	άραγε	acep/ʿaceb
άτσ̌απα	άραγε, αναρωτιέμαι	acaba/ʿacebā
γεφύρ’	γέφυρα, γεφύρι
εδέβαν	(για τόπο) πέρασαν, διέσχισαν, (για χρόνο) πέρασαν	διαβαίνω
ελέπω	βλέπω
έντον	έγινε
έσυρεν	έσυρε, τράβηξε, έριξε
’κ’	δεν	οὐκί<οὐχί
’κι	δεν	οὐκί<οὐχί
ξαν	πάλι, ξανά
παράν	λεφτά, το χρήμα	para/pāre
πουδέν	πουθενά
σύρ’	σύρω/ει, τραβάω/ει, ρίχνω/ει
τερώ	κοιτώ
τιδέν	τίποτα
υποφέρ’νε	υποφέρουν
φέρ’νε	φέρνουν
’φτάνε	(ευτάνε) κάνουν, φτιάχνουν	εὐθειάζω