Προβολή Τραγουδιού
Γενοκτονία |
Ορμάνι͜α κι ορμανόφυλλαΣτιχουργοί: Ιωάννης Καρασαββίδης
Συνθέτες: Μπάμπης Κεμανετζίδης
Καλλιτέχνες: Μπάμπης Κεμανετζίδης, Σταύρος Κουρουκλίδης
Ενέσπαλαμε τ’ εμετέρτς, όλια ’ποίκαμ’ σο μίαν Παχ̌έα λόγια κι έμορφα για τη γενοκτονίαν Αέτσ’ άμον ντο λέγω σας, εγέντον τρανόν δράμαν Σ’ όλεν τον Πόντον θλιβερά εντούνεν η καμπάνα Ποτάμ’ το γαίμαν έτρεχ̌εν, ομμάτι͜α δα̤κρωμένα Όλεν τα μέρι͜α έρημα, οσπίτι͜α τσουπωμένα Αέτσ’ άμον ντο λέγω σας, εγέντον τρανόν δράμαν Σ’ όλεν τον Πόντον θλιβερά εντούνεν η καμπάνα Μοιρολογούν τα εκκλησιάς, κλαίγ’νε τα θαλασσάκρι͜α Μανάδες μαυροφορεμέν’ κλαίνε με μαύρα δάκρυ͜α Αέτσ’ άμον ντο λέγω σας, εγέντον τρανόν δράμαν Σ’ όλεν τον Πόντον θλιβερά εντούνεν η καμπάνα Γενοκτονίαν γράφτ’ν ατο μονάχον σα χαρτία Να λέγ’ν ατο σα φωναχτά ατείν’ ’κ’ έχ’νε καρδίαν Αέτσ’ άμον ντο λέγω σας, εγέντον τρανόν δράμαν Σ’ όλεν τον Πόντον θλιβερά εντούνεν η καμπάνα
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αέτσ’ | έτσι | ||
| άμον | σαν, όπως, καθώς | ἅμα | |
| ατείν’ | αυτοί | ||
| γαίμαν | αίμα | ||
| δα̤κρωμένα | δακρυσμένα | ||
| εγέντον | έγινε | ||
| εμετέρτς | ημέτερους, δικούς μου (ανθρώπους) | ἡμέτερος | |
| έμορφα | όμορφα | ||
| ενέσπαλαμε | ξεχάσαμε | ||
| εντούνεν | χτυπούσε | ||
| έχ’νε | έχουνε | ||
| θαλασσάκρι͜α | οι ακροθαλασσιές, τα ακρογιάλια | ||
| ’κ’ | δεν | οὐκί<οὐχί | |
| κλαίγ’νε | κλαίνε | ||
| μέρι͜α | μέρη | ||
| μίαν | μια φορά | ||
| μονάχον | μονάχα, μοναχό | ||
| όλεν | όλη/ο, ολόκληρη/ο | ||
| όλια | όλα | ||
| ομμάτι͜α | μάτια | ||
| οσπίτι͜α | σπίτια | hospitium<hospes | |
| παχ̌έα | παχιά | ||
| ποτάμ’ | ποτάμι | ||
| τσουπωμένα | κλεισμένα |
