Προβολή Τραγουδιού
Εφώταξες, πουλί μ’ |
Ορμάνι͜α κι ορμανόφυλλαΣτιχουργοί: Ιωάννης Καρασαββίδης
Συνθέτες: Μπάμπης Κεμανετζίδης
Καλλιτέχνες: Μπάμπης Κεμανετζίδης, Σταύρος Κουρουκλίδης
Εφώταξεν ο πρόσωπο σ’ όπως φωτάζ’ ο ήλεν Η καρδία μ’ σον πρόσωπο σ’ ατό π’ εθέλ’νεν είδεν Σ’κώνω τ’ ομμάτα̤ μ’ και τερώ, φογούμαι θα κορούμαι Τ’ έναν τ’ άλλο να έχομε εθαρρώ ’κ’ επορούμε Ολόερα μ’ όπου τερώ παντού εσέν ελέπω Απλώνω να πιάνω σε έμπρα̤ μ’ τιδέν ’κ’ ελέπω Εγάπεσα ούλ’ λένε με, ντο είμαι ερωτευμένος Τ’ αχούλ’ π’ είχα -ν- εχάσα ’το, είμαι σ̌ασ̌ουρεμένος
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αχούλ’ | μυαλό | akıl/ʿaḳl | |
| εγάπεσα | αγάπησα | ||
| εθαρρώ | θαρρώ, νομίζω, υποθέτω | ||
| εθέλ’νεν | ήθελε | ||
| ελέπω | βλέπω | ||
| έμπρα̤ | μπροστά | ||
| επορούμε | μπορούμε | ||
| εφώταξεν | φώτισε | ||
| εχάσα | έχασα | ||
| έχομε | έχουμε | ||
| ήλεν | ήλιος/ήλιο | ||
| ’κ’ | δεν | οὐκί<οὐχί | |
| κορούμαι | τυφλώνομαι | ||
| ολόερα | ολόγυρα | ||
| ομμάτα̤ | μάτια | ||
| ούλ’ | όλοι | ||
| σ̌ασ̌ουρεμένος | σαστισμένος, που τα έχει χαμένα | şaşırmak | |
| σ’κώνω | σηκώνω | ||
| τερώ | κοιτώ | ||
| τιδέν | τίποτα | ||
| ’το | αυτό, το (προσωπική αντωνυμία) | ||
| φογούμαι | φοβάμαι | ||
| φωτάζ’ | φωτίζει, λάμπει |
