Προβολή Τραγουδιού
Γιατρικόν θα είν’ τα δά̤κρυ͜α σ’ |
ΠοντιακάΣτιχουργοί: Σοφία Παπαδοπούλου
Συνθέτες: Σοφία Παπαδοπούλου
Καλλιτέχνες: Κώστας Θεοδοσιάδης, Σοφία Παπαδοπούλου
Σην ξενιτείαν έρθες, πουλί μ’, για να ’βγάλτς παράν Σην ξενιτει͜άν έρθες, πουλόπο μ’, για να ’βγάλτς παράν Και -ν- ερρούξες σα κρεβάτι͜α με τη μουταράν Και -ν- εκλώστες σην Ελλάδαν σα μωρά σ’ καικά Κι απέσ’ σα νοσοκομεία ν’ αραύ’ς γιατρειάν Οι γιατροί, γιαβρί μ’, πάν’ κι έρχουν να λαρών’νε σε -ν Κι ας ση Χάρονος τα χ̌έρι͜α να γουρταρεύ’νε σε Τα παιδόπα σ’ κρεμαμένα, τα γούλας κρατούν Τ’ ομματόπα τουν δα̤κρούνε και -ν- εσέν τερούν Και -ν- ασ’ όλτς πολλά πονείς το μικρόν τ’ αρνί σ’ ντο θ’ αφήντς ορφανεμένον· την ψ̌η σ’ τυρα̤ννί͜εις
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| απέσ’ | μέσα | ||
| αραύ’ς | ψάχνεις, γυρεύεις, αναζητάς | aramak | |
| ασ’ | από | ||
| αφήντς | αφήνεις | ||
| γιαβρί | μωρό, μικρό, παιδί | yavru | |
| γούλας | (ον. πληθ.) λαιμοί, (γεν. εν.) λαιμού | gula | |
| γουρταρεύ’νε | γλυτώνουν κτ/κπ από, διασώζουν | kurtarmak | |
| δα̤κρούνε | δακρύζουν | ||
| εκλώστες | γύρισες, επέστρεψες | ||
| έρθες | ήρθες | ||
| ερρούξες | έπεσες | ||
| έρχουν | έρχονται | ||
| καικά | προς τα κάτω, εκεί ακριβώς, κοντά | ||
| κρεμαμένα | κρεμασμένα | ||
| λαρών’νε | γιατρεύουν, θεραπεύουν | ||
| μουταράν | πενιχρό μέσο, ψευτοδουλειά | müdârâ | |
| όλτς | όλους | ||
| ομματόπα | ματάκια | ||
| παιδόπα | παιδάκια | ||
| παράν | λεφτά, το χρήμα | para/pāre | |
| πολλά | (επίθ.) πολλά, (επίρρ.) πολύ | ||
| πουλόπο | πουλάκι | ||
| τερούν | κοιτούν | ||
| τουν | τους | ||
| τυρα̤ννί͜εις | τυραννάς, ταλαιπωρείς | ||
| Χάρονος | Χάρου | ||
| ψ̌η | ψυχή |
