Προβολή Τραγουδιού
Κατηγόρα με |
Ο τσ̌οπάνονΣτιχουργοί: Βασίλειος Παπαδόπουλος
Συνθέτες: Βασίλειος Παπαδόπουλος
Καλλιτέχνες: Βέφα Μιχαηλίδου, Γιάννης Τσανάκαλης, Γιάννης Φλωρινιώτης
Κατηγόρα με, κατηγόρα με! Όσο κι αν κατηγοράς με κι άλλο πολλά θ’ αγαπάς με Κατηγόρα με! Αν εγάπεσα με πάθος κι η αγάπη αν έν’ λάθος Κατηγόρα με, κατηγόρα με! Εροθύμεσα, εροθύμεσα! Τα ματόπα σ’, τα φρυδόπα σ’, τα γλυκέα τα χ̌ειλόπα σ’ Εροθύμεσα! Τόσα μήνας, τόσα χρόνια, έφαγανε με τα πόνια Εροθύμεσα, εροθύμεσα! Αναμένω σε, αναμένω σε! Σο καρδόπο μ’ πάντα τόπον έ͜εις εσύ, μικρόν κορτσόπον, κι αναμένω σε! Μη νουνί͜εις και μη φοβάσαι απ’ ατόν που αγαπά σε Αναμένω σε, αναμένω σε! Κατηγόρα με, κατηγόρα με! Όσο κι αν κατηγοράς με κι άλλο πολλά θ’ αγαπάς με Κατηγόρα με! Αν εγάπεσα με πάθος κι η αγάπη αν έν’ λάθος Κατηγόρα με, κατηγόρα με!
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| γλυκέα | (επιρρ.) γλυκά | ||
| έ͜εις | έχεις | ||
| εγάπεσα | αγάπησα | ||
| έν’ | είναι | ||
| εροθύμεσα | νοστάλγησα | ||
| καρδόπο | καρδούλα | ||
| κι άλλο πολλά | περισσότερο, παραπάνω | ||
| κορτσόπον | κοριτσάκι | ||
| ματόπα | (ομματόπα) ματάκια | ||
| νουνί͜εις | σκέφτεσαι | ||
| πολλά | (επίθ.) πολλά, (επίρρ.) πολύ | ||
| πόνια | (ονομ.) πόνοι, (αιτ.) πόνους | ||
| φρυδόπα | φρυδάκια | ||
| χ̌ειλόπα | χειλάκια |
