Εγάπη ’κ’ έν’ μόνον να δί’ς

Προβολή Τραγουδιού

expand_content

Εγάπην ’κ’ έν’ μόνον να δί’ς,
να παίρτς και -ν- ολιγόπον
Τρως τυραννί͜εις το καρδόπο σ’
για έναν μικρόν κορτσόπον;

Και ντό ’κ’ εποίκα για τ’ ατέν
να βάλλ’ ατεν αχούλι͜α;
Ατέ επαρεξήγησεν
τ’ εμά τα κόπι͜α¹ ούλι͜α

Αν κάποτε νουνί͜εις εσύ,
κάτ’ έμ’νε για τ’ εσέναν
Τότε θα λες ντ’ «εποίκα εγώ
τρανόν κακόν σ’ εμέναν»

Γλωσσάρι

Κείμενο	Επεξήγηση	Ετυμ. Ρίζα
ατέ	αυτή
ατέν	αυτήν
ατεν	αυτήν
αχούλι͜α	μυαλά	akıl/ʿaḳl
βάλλ’	βάζω/ει
δί’ς	δίνεις
εμά	δικά μου
έμ’νε	ήμουν
έν’	είναι
εποίκα	έκανα, έφτιαξα	ποιέω-ῶ
’κ’	δεν	οὐκί<οὐχί
καρδόπο	καρδούλα
κορτσόπον	κοριτσάκι
νουνί͜εις	σκέφτεσαι
ολιγόπον	λιγουλάκι
ούλι͜α	όλα
παίρτς	παίρνεις
τυραννί͜εις	τυραννάς, ταλαιπωρείς

Σημειώσεις

¹ Αδόκιμος τύπος αντί του ορθού στην ποντιακή «κόπους»