Ποίος εζωγράφ’σε σε

Προβολή Τραγουδιού

Καλλιτέχνες: Κώστας Σιώπης, Μιχάλης Ζερφειρίδης

expand_content

Ποίος εσέν ’ζωγράφ’σε σε
κι εποίκε σε λαμπάδαν;
Όλα εσέβες ση ζωή μ’
σ’ αούτ’ την εβδομάδαν

Πουλόπο μ’, με το τέρεμα σ’
λύεται η καρδία μ’
Έκαψες κι ετυράνντσες με
να έ͜εις την αμαρτία μ’

Ατώρα εφέκες κι έφυες
κι επέμ’να με τ’ ομούτι͜α
’Σ σ’ ομμάτι͜α μ’ τρέχ’νε δακρόπα 
και -ν- η γούλα μ’ γομούται

’Σ σ’ ομμάτι͜α μ’ τρέχ’νε δακρόπα 
και -ν- η γούλα μ’ γομούται

Γλωσσάρι

Κείμενο	Επεξήγηση	Ετυμ. Ρίζα
αούτ’	αυτός/ή/ό/ά
ατώρα	τώρα
γομούται	γεμίζει, βουρκώνει, κομπιάζει
γούλα	λαιμός	gula
δακρόπα	(υποκορ.) δάκρυα
έ͜εις	έχεις
επέμ’να	απόμεινα
εποίκε	έκανε, έφτιαξε	ποιέω-ῶ
εσέβες	μπήκες
ετυράνντσες	τυράννησες, ταλαιπώρησες
εφέκες	άφησες
έφυες	έφυγες
’ζωγράφ’σε	(εζωγράφ’σε) ζωγράφισε
λύεται	λιώνει
ομμάτι͜α	μάτια
ομούτι͜α	ελπίδες	umut
ποίος	(ερωτημ.) ποιός, (αναφ.αντων.) όποιος
πουλόπο	πουλάκι
’ς	(ας) από
τέρεμα	βλέμμα
τρέχ’νε	τρέχουν