Σο παραθύρι σ’

Προβολή Τραγουδιού

Σο παραθύρι σ’ τραγωδώ,
σην πόρτα σ’ ξημερούμαι
Μικρόν είσαι και έμορφον
’λέπω σε και λιγούμαι

Πολλά τρέχ’νε και ’κχ̌ύγουνταν
τα δά̤κρυ͜α μ’ σα σκαλία σ’
Ας σην αγάπην ένουμ’νε
ρεζίλ’ ση γειτονία σ’

Πολλά ζαντίας για τ’ εσέν
εποίκα ο καημένον
Εσύ ’λέπ’ς με και χ̌αίρεσαι
καρίπ’ και βουρκωμένον

Το τσ̌ιτσ̌ακλίν το πρόσωπο σ’,
τα μάγ’λα, το κορμόπο σ’
Έναν βραδήν θα έρχουμαι,
κορτσόπο μ’, σ’ οσπιτόπο σ’

Γλωσσάρι

Κείμενο	Επεξήγηση	Ετυμ. Ρίζα
βραδήν	βράδυ
έμορφον	όμορφο
ένουμ’νε	έγινα
εποίκα	έκανα, έφτιαξα	ποιέω-ῶ
έρχουμαι	έρχομαι
ζαντίας	τρέλες, ανοησίες	σάννας
καρίπ’	μοναχικό, ορφανό, εξαθλιωμένο	garip/ġarīb
κορμόπο	κορμάκι
κορτσόπο	κοριτσάκι
’κχ̌ύγουνταν	εκχύνοτναι, χύνονται, εκρέουν	εκχύνω<ἐγχέω< ἐν + χέω
’λέπ’ς	(ελέπ’ς) βλέπεις
’λέπω	(ελέπω) βλέπω
λιγούμαι	επιθυμώ κτ σφοδρά, χάνω τις αισθήσεις μου, λιποθυμώ
μάγ’λα	μάγουλα	magulum
ξημερούμαι	ξημερώνομαι
οσπιτόπο	σπιτάκι	hospitium<hospes + -όπον
πολλά	(επίθ.) πολλά, (επίρρ.) πολύ
τραγωδώ	τραγουδάω
τρέχ’νε	τρέχουν
τσ̌ιτσ̌ακλίν	ανθισμένο, γεμάτο άνθη, ανθηρό	çiçekli