Ο Στύλον

Προβολή Τραγουδιού

Ποντιακά 2000

Καλλιτέχνες: Γιώργος Σιδηρόπουλος, Μπάμπης Κεμανετζίδης

Σο ραχ̌ίν απάν’ εξέβεν
δίκαιον ατός να φέρ’
και ση φυλακήν ευρέθεν
ατός για να υποφέρ’

Και τη Κωσταντά το Στύλον
ποίος ’κ’ έκλαψεν;
Σο ταφόπον ατ’ κερόπον
ποίος ’κ’ έναψεν;¹
Νέον παλληκάρ’ εχάσες
και -ν- ατός άλλο ’κι ζει
Και το Στύλον θα θυμάσαι,
Φίλυρον, πάντα εσύ

Έναν σφαίραν σην καρδίαν
ατός ’πέρεν μερτικόν
Σο Γεντί Κουλέ, μανίτσα μ’,
έντονε τρανόν κακόν

Και τη Κωσταντά το Στύλον
ποίος ’κ’ έκλαψεν;
Σο ταφόπον ατ’ κερόπον
ποίος ’κ’ έναψεν;¹
Νέον παλληκάρ’ εχάσες
και -ν- ατός άλλο ’κι ζει
Και το Στύλον θα θυμάσαι,
Φίλυρον, πάντα εσύ

Πώς, Γεντί Κουλέ, ’κ’ ερρούξεν
ατό τ’ εσόν το τουβάρ’;
Τ’ αίματα ντ’ ετσιμπονίαν
ας ατό το παλληκάρ’

Και τη Κωσταντά το Στύλον
ποίος ’κ’ έκλαψεν;
Σο ταφόπον ατ’ κερόπον
ποίος ’κ’ έναψεν;¹
Νέον παλληκάρ’ εχάσες
και -ν- ατός άλλο ’κι ζει
Και το Στύλον θα θυμάσαι,
Φίλυρον, πάντα εσύ

Γλωσσάρι

Κείμενο	Επεξήγηση	Ετυμ. Ρίζα
απάν’	πάνω
ατός	αυτός
έντονε	έγινε
εξέβεν	βγήκε, ανέβηκε
ερρούξεν	έπεσε
εσόν	δικός/ή/ό σου
ετσιμπονίαν	ανέβλυσαν με ορμή
ευρέθεν	βρέθηκε
’κ’	δεν	οὐκί<οὐχί
κερόπον	κεράκι
’κι	δεν	οὐκί<οὐχί
’πέρεν	(επέρεν) πήρε
ποίος	(ερωτημ.) ποιός, (αναφ.αντων.) όποιος
ραχ̌ίν	βουνό, ράχη
ταφόπον	(υποκορ.) τάφος
τουβάρ’	ντουβάρι, τοίχος	duvar/dīvār
φέρ’	φέρνω/ει

Σημειώσεις

¹ Αδόκιμος τύπος αντί του ορθ. έψ̌εν (=άναψε)