Κορτσόπον μελαχρινόν

Προβολή Τραγουδιού

Ποντιακά 2000

Καλλιτέχνες: Γιώργος Σιδηρόπουλος, Μπάμπης Κεμανετζίδης

Κορτσόπον μελαχρινόν,
έφαες την ψ̌ην τ’ εμόν
Αν ’κι παίρω σε, αρνί μ’,
ντο θα ευτάω τη ζωή μ’;

Άνθρωπον αν αγαπά
άλλο κανέναν ’κ’ ερωτά
Η καρδι͜ά ορίζ’ α̤το,
η σεβντά ζαλίζ’ α̤το

Ό,τι δί’ς με ’ξέρ’ ατο
υστερνά θα πλερών’ ατο
Τη καρδι͜ά μ’ για τ’ εσέναν
χαλάλ’ κι ας ματών’ ατο

Ντο θα σύρω ελέπ’ ατο,
άμα κα’ ’κι θέκ’ ατο
Αγαπώ σε και πονώ,
κορτσόπον μελαχρινόν

Ας έν’, πουλί μ’, για την ψ̌η σ’,
εμέναν μη τυρα̤ννί͜εις
Την ελαία σην τσ̌εγκέ σ’
’α κουρτώ ατο και κλαις

Ήντι͜αν θέλτς εμέν ευτάς
έναν ξάι αν αγαπάς
Εσύ ο ’πιταγωγόν
εγώ το κριάρ’ τ’ εσόν

Γλωσσάρι

Κείμενο	Επεξήγηση	Ετυμ. Ρίζα
’α	θα
δί’ς	δίνεις
ελαία	ελιά (καρπός & το δέντρο)
ελέπ’	βλέπει/βλέπω
εμόν	δικός/ή/ό μου	ἐμοῦ
έν’	είναι
έναν ξάι	λίγο, μια σταλιά
ερωτά	ρωτάει
εσόν	δικός/ή/ό σου
ευτάς	κάνεις, φτιάχνεις	εὐθειάζω
ευτάω	κάνω, φτιάχνω	εὐθειάζω
έφαες	έφαγες
ήντι͜αν	οτιδήποτε, ό,τι
θέκ’	θέτω/ει, τοποθετώ/εί, βάζω/ει
θέλτς	θέλεις
’κ’	δεν	οὐκί<οὐχί
κα’	κάτω
’κι	δεν	οὐκί<οὐχί
κορτσόπον	κοριτσάκι
κουρτώ	καταπίνω
ματών’	ματώνει
ξάι	καθόλου
παίρω	παίρνω
πλερών’	πληρώνει, εκπληρώνει
σεβντά	αγάπη, έρωτας	sevda/sevdā
σύρω	σέρνω, τραβώ, ρίχνω
τσ̌εγκέ	σαγόνι, γνάθος, συνεκδ. το στόμα	çene/çāne
τυρα̤ννί͜εις	τυραννάς, ταλαιπωρείς
υστερνά	κατοπινά, τελευταία
χαλάλ’	κάτι που θυσιάζεται, προσφέρεται, ξοδεύεται με ευχαρίστηση, αν και είναι πολύτιμο ή κοστίζει πολλά	helal/ḥalāl
ψ̌η	ψυχή
ψ̌ην	ψυχή