Πέντε και πεσίν παράν

Προβολή Τραγουδιού

Ποντιακά 2000

Καλλιτέχνες: Γιώργος Σιδηρόπουλος, Μπάμπης Κεμανετζίδης

Ντό να ευτάω τα καπνά
αφού ’κι παίρω παράν;
Θα ζυάζ’νε, σ’κών’ν’ ατα
και ’κι θα πλερών’ν’ ατα

Θα κρατούνε οι εμπόρ’
τη παράν ντο έν’ τ’ εμόν
Ντο επέμ’νεν πα χρωστάς,
πώς θα ζεις και ντό θα ’φτας;

Πέντε και πεσ̌ίν παράν
για να δί’ με και χαράν
Δέκα εγώ ’κι θέλ’ ατα
αφού ’κι θα παίρ’ ατα

Θα πάω σο ημερ’κόν
άμον άνθρωπος να ζω
«Πέντε και ας είν’ σο χ̌έρ’»,
λέν’ ατο κι οι μειζετέρ’

Νουνίζ’ ατο, ’κ’ έν’ σωστόν,
το φαΐν πα λιγοστόν
Κάλλι͜α ζέστι͜α παρά κρύον,
το φαΐν ας έν’ ολίγον

Πέντε και πεσ̌ίν παράν
για να δί’ με και χαράν
Δέκα εγώ ’κι θέλ’ ατα
αφού ’κι θα παίρ’ ατα

Πέντε και πεσ̌ίν παράν
για να δί’ με και χαράν
Δέκα εγώ ’κι θέλ’ ατα
αφού ’κι θα παίρ’ ατα

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
ατα	αυτά
δί’	δίνει
είν’	(για πληθ.) είναι
εμόν	δικός/ή/ό μου	ἐμοῦ
εμπόρ’	έμποροι
έν’	είναι
επέμ’νεν	απόμεινε
ευτάω	κάνω, φτιάχνω	εὐθειάζω
ζέστι͜α	ζέστη
ζυάζ’νε	ζυγίζουν
ημερ’κόν	μεροκάματο
’κ’	δεν	οὐκί<οὐχί
κάλλι͜α	κάλλη
’κι	δεν	οὐκί<οὐχί
μειζετέρ’	οι πρεσβύτεροι σε ηλικία
νουνίζ’	σκέφτεται
ολίγον	λίγο
πα	πάλι, επίσης, ακόμα
παίρ’	παίρνω/ει
παίρω	παίρνω
παρά	λεφτά, το χρήμα	para/pāre
παράν	λεφτά, το χρήμα	para/pāre
πλερών’ν’	πληρώνουν, εκπληρώνουν
σ’κών’ν’	σηκώνουν
’φτας	(ευτάς) κάνεις, φτιάχνεις	εὐθειάζω
χ̌έρ’	χέρι

Σημειώσεις

¹ Eκφ. πέντε και πεσ̌ίν (τουρκ. beş) Πέντε και πέντε, μτφ. για μικρό ποσό, ελάχιστα