Η σεβτά

Προβολή Τραγουδιού

Καλλιτέχνες: Γιάννης Τσανάκαλης, Μέλη Ραμπίδου, Χρήστος Ραμπίδης

Καρσ̌ί εξέβεν η σεβτά
κι εύρεν εμέν σον δρόμον
Σο καρδόπο μ’ εντώκεν με
κι εγόμωσεν με πόνον

Χαΐναινα σεβτά 
όντες σημαδεύ’ς
σίναν θα καρφούται,
μάγισσα, ’κ’ ελέπ’ς

Τρανόν σεβτάν εδέκεν με,
ένοιξεν σο καρδόπο μ’
Ατώρα τυρα̤ννίουμαι
για τ’ εσέναν, πουλόπο μ’

Χαΐναινα σεβτά 
όντες σημαδεύ’ς
σίναν θα καρφούται,
μάγισσα, ’κ’ ελέπ’ς

Δεύτερον σεβτάν έσυρεν
ση πουλί μ’ το καρδόπον
Κι ατώρα έχουμε μαζί
έναν τρανόν τερτόπον

Χαΐναινα σεβτά 
όντες σημαδεύ’ς
σίναν θα καρφούται,
μάγισσα, ’κ’ ελέπ’ς

Μη κρού’ς με -ν- άλλο, νε σεβτά, 
κι ευτάς με -ν- κι υποφέρω
Ατόν εγώ εγάπεσα,
ατόν εγώ θα παίρω

Χαΐναινα σεβτά 
όντες σημαδεύ’ς
σίναν θα καρφούται,
μάγισσα, ’κ’ ελέπ’ς

Γλωσσάρι

Κείμενο	Επεξήγηση	Ετυμ. Ρίζα
ατώρα	τώρα
εγάπεσα	αγάπησα
εγόμωσεν	γέμισε μτφ. διέδωσε φήμες
εδέκεν	έδωσε
ελέπ’ς	βλέπεις
ένοιξεν	άνοιξε
εντώκεν	χτύπησε
εξέβεν	βγήκε, ανέβηκε
έσυρεν	έσυρε, τράβηξε, έριξε
εύρεν	βρήκε
ευτάς	κάνεις, φτιάχνεις	εὐθειάζω
’κ’	δεν	οὐκί<οὐχί
καρδόπο	καρδούλα
καρδόπον	καρδούλα
καρσ̌ί	απέναντι, αντικρυστά	karşı
καρφούται	καρφώνεται
κρού’ς	χτυπάς	κρούω
όντες	όταν
παίρω	παίρνω
πουλόπο	πουλάκι
σεβτά	αγάπη, έρωτας	sevda/sevdā
σεβτάν	αγάπη, έρωτα	sevda/sevdā
σίναν	(σε τίναν) σε ποιον/α;
τερτόπον	(υποκορ.) καημός, βάσανο, στενοχώρια	dert
τυρα̤ννίουμαι	τυραννιέμαι, ταλαιπωριέμαι
χαΐναινα	σκληρόκαρδη, άπονη, άγρια	hain/ḫāʾin