Σην ξενιτειάν ερρώστεσα

Προβολή Τραγουδιού

Τα ποντιακά τραγούδια του Χρήστου Ραμπίδη

Σην ξενιτει͜άν ερρώστεσα,
απέσ’ σην Γερμανίαν
Άδικα σουρουνεύκουμαι
και σα νοσοκομεία

[Και -ν-] Αρ’ έμ’νε μερακλής
[και] σα γλέντι͜α μαθεμένος
και πάντα μεθυσμένος

Σην ξενιτει͜άν π’ ερρώστεσαν
ας έρχουν μετ’ εμένα
Τα τέρτι͜α μουν να λέγομε
εμείς απ’ έναν-έναν

[Και -ν-] Αρ’ έμ’νε μερακλής
[και] σα γλέντι͜α μαθεμένος
και πάντα μεθυσμένος

Σην ξενιτει͜άν επήγαμε
εμείς για τα παράδες
Κανείς ’κι κλαίει ντο θ’ αποθάν’
ντο είμες μασχαράδες

[Και -ν-] Αρ’ έμ’νε μερακλής
[και] σα γλέντι͜α μαθεμένος
και πάντα μεθυσμένος

Γλωσσάρι

Κείμενο	Επεξήγηση	Ετυμ. Ρίζα
απέσ’	μέσα
αποθάν’	πεθαίνει
είμες	είμαστε
έμ’νε	ήμουν
ερρώστεσα	αρρώστησα
έρχουν	έρχονται
’κι	δεν	οὐκί<οὐχί
μαθεμένος	μαθημένος
μασχαράδες	που προκαλούν γέλιο και ευθυμία, αστείοι	maskara/masḫara
μετ’	μαζί με (με αιτιατική), με (τρόπος)
μουν	μας
παράδες	λεφτά, χρήματα	para/pāre
σουρουνεύκουμαι	σέρνομαι κατά γης, μτφ. υποφέρω, τυραννιέμαι	sürünmek
τέρτι͜α	καημοί, βάσανα, στενοχώριες	dert