Ομάλια, ομάλια πάσιμον

Προβολή Τραγουδιού

Τα ποντιακά τραγούδια του Χρήστου Ραμπίδη

Ομάλια, ομάλια πάσιμον
καμίαν ’κ’ εβραδι͜άστα
Ας σ’ έμορφα τα κορτσόπα
καμίαν ’κ’ εχολιάστα

Τα μαλλόπα σ’ είναι πολλά,
σ̌κεπάζ’νε την καρδία σ’
Σύρον αδά, σύρον ακεί,
έπαρ’ με απέσ’ σα ψ̌ήα σ’

Μάνα μ’, τέρεν την έμορφον,
τέρεν και το πιτσ̌ίμ’ν ατ’ς
Άτσ̌απα ποίον παλληκάρ’
θα κείται απέσ’ σην ψ̌ην ατ’ς;

Τερώ ατεν, τερώ ατεν,
ατέ -ν- τερεί το χώμαν
’Κ’ επόρεσα να εγροικώ
αν αγαπά με ακόμαν

Γλωσσάρι

Κείμενο	Επεξήγηση	Ετυμ. Ρίζα
αδά	εδώ
ακεί	εκεί
απέσ’	μέσα
ας σ’	(ας σου) από του, από τότε που/αφότου, (ας σο) από το/τα
ατέ	αυτή
ατεν	αυτήν
ατ’ς	αυτής, της
άτσ̌απα	άραγε, αναρωτιέμαι	acaba/ʿacebā
εβραδι͜άστα	βραδιάστηκα
εγροικώ	καταλαβαίνω
έμορφα	όμορφα
έμορφον	όμορφο
έπαρ’	(προστ.) πάρε
επόρεσα	μπόρεσα
εχολιάστα	θύμωσα, αγανάκτησα
’κ’	δεν	οὐκί<οὐχί
καμίαν	ποτέ
κείται	κείτεται, ξαπλώνει
κορτσόπα	κοριτσάκια
μαλλόπα	μαλλάκια
ομάλια	ομαλοί δρόμοι, ευθείες, πεδιάδες, ομαλά (επίρρ)
πάσιμον	το να πάει κπ κάπου, πηγαιμός, αναχώρηση
πιτσ̌ίμ’ν	μορφή, όψη/πρόσωπο, σχέδιο, στυλ/τρόπος, κομψότητα	biçim
πολλά	(επίθ.) πολλά, (επίρρ.) πολύ
σ̌κεπάζ’νε	σκεπάζουν
σύρον	(προστ.) σύρε, τράβα, ρίξε
τερεί	κοιτάει
τέρεν	(προστ.) κοίταξε
τερώ	κοιτώ
ψ̌ήα	ψυχές, η περιοχή του στέρνου, τα εσώψυχα
ψ̌ην	ψυχή