Στρατιώτης αχπάσκουμαι

Προβολή Τραγουδιού

Τα ποντιακά τραγούδια του Χρήστου Ραμπίδη

Στρατιώτης αχπάσκουμαι,
έβγα, πουλί μ’, ση στράταν
’Κι θέλω να ελέπω εγώ
τ’ ομμάτι͜α σ’ με τα δάκρυ͜α

Στρατιώτης κι αν πάγω εγώ
γράμμαν πάντα θα στείλω
Αρνί μ’, μη τυρι͜αννίεσαι
εγώ εσέν ’κι αφήνω

Τον στρατιώτην τον άνθρωπον
κανένας μη λυπάται
Αφήστε ατον ας υποφέρ’
τα νιάτα τ’ να θυμάται

Τον στρατιώτην τον άνθρωπον
οι φίλ’ όλ’ ανασπάλλ’νε
Τα κορτσόπα ντ’ εγάπανεν
με άλλονα θα πάνε

Γλωσσάρι

Κείμενο	Επεξήγηση	Ετυμ. Ρίζα
ανασπάλλ’νε	ξεχνούν
αχπάσκουμαι	αναχωρώ, φεύγω, κινώ για
έβγα	(προστ.) βγες
εγάπανεν	αγαπούσε
ελέπω	βλέπω
’κι	δεν	οὐκί<οὐχί
κορτσόπα	κοριτσάκια
όλ’	όλοι/α
ομμάτι͜α	μάτια
τυρι͜αννίεσαι	τυραννιέσαι, ταλαιπωριέσαι
φίλ’	(προστ. φιλώ) φίλα, (πληθ. φίλον) φίλοι