Εσύ κορτσόπον έμορφον

Προβολή Τραγουδιού

Τα ποντιακά τραγούδια του Χρήστου Ραμπίδη

Εσύ, κορτσόπο μ’, έμορφον,
πολλούς εμεταλλάες
[Ντό να ’ίνουμαι; Να λελεύω σε!]
Τον Θεό σ’, την ψ̌η σ’, πέει͜ ατο
με τίναν ενεπάες
[Ντό να ’ίνουμαι; Να λελεύω σε!]

Εσύ, κορτσόπο μ’, έμορφον,
για ποίσον για το ψ̌όπο σ’
[Ντό να ’ίνουμαι; Να λελεύω σε!]
Όντες πας σον Παράδεισον
χαζίρ να έν’ ο τόπος
[Ντό να ’ίνουμαι; Να λελεύω σε!]

Εσύ, κορτσόπο μ’, έμορφον,
με τα μαύρα μαλλία
[Ντό να ’ίνουμαι; Να λελεύω σε!]
Εσύ εμέναν έκαψες,
να έ͜εις την αμαρτία μ’
[Ντό να ’ίνουμαι; Να λελεύω σε!]

Γλωσσάρι

Κείμενο	Επεξήγηση	Ετυμ. Ρίζα
έ͜εις	έχεις
εμεταλλάες	ενάλλαξες, χρησιμοποίησες εναλλάξ
έμορφον	όμορφο
έν’	είναι
ενεπάες	αναπαύτηκες
’ίνουμαι	γίνομαι
κορτσόπο	κοριτσάκι
λελεύω	χαίρομαι
όντες	όταν
πέει	(προστ.) πες
ποίσον	(προστ.) κάνε, φτιάξε	ποιέω, ποιῶ
τίναν	ποιον/α
χαζίρ	έτοιμος/ο/η	hazır/ḥāżir
ψ̌η	ψυχή
ψ̌όπο	ψυχούλα